Amos 4:12 - Tedim Bible Revision 2017

¹² Tua ahih ciangin Israel mite aw, hih bangin note tungah kong bawl ding hi. Hih bangin hong hih ding ka hih manin Pasianʼ thukhenna a thuak dingin kiging un.

Tedim Bible

¹² Tua ahih ciangin Israel mite aw, hih bangin note tungah kong bawl ding hi. Hih bangin hong hih ding ka hih manin, Pasian’ thukhenna thuak dingin kiging un.

Amos 4:12 Referans Kwoze

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topaʼ ni-in gal hong tun ciangin Israel-te hu zo lo ding uh hi.

Isaiah 47:3

Na seelsim teng kilang dinga, na zumhuaina teng kimu ding hi. Keimah in kong thukkik dinga, kuamah ka zah kei ding hi.

Mattiu 24:44

Tua ahih manin Mihing Tapa zong, noteʼ upmawh loh hun laitakin hong pai ding ahih manin note zong na kiging tawntung ta un.

Mattiu 5:25

Nangma tungah mi khatpeuh lungkim loin zumah hong khiat leh, zum na tun ma-un hun om lai-in na kilem pak nadingin hanciam in. Tua hikeileh zum na tun uh ciangin thukhente khut sung na tung dinga, thukhente in palikte khut sungah hong apin, palikte in thong sungah hong khum ding hi.

Hosea 13:8

A no a kilaksak vompi bangin note hong su gawpin kong bal gawp ding hi. Humpinelkai bangin hong phualnek pahin, gamsate bangin kong bal kek gawp ding hi.

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

Mangmuhna 3:3

Tua ahih manin note a hong kihilh na zak sa uh thute phawkkik unla, tua thute zui-in na mawhna panun kisikkik un. Khua na phawk kei uh leh note kiangah guta bangin ka hong pai dinga, ka hong tun lam nangawn na thei kei ding uh hi.

Amos 2:14

A tai hatte nangawn suakta zo lo dinga, a thahatte a hatna bei dinga, galhangte in amauʼ nuntakna hu zo lo ding uh hi.

Isaiah 32:11

Nuam takin a om hithiat numeite aw, liing un. Nomau tumtakin a lungkimte aw, liing lawng un. Na puan uh hawk khia-in na tangguakun om unla na kawng uh ah puanhampi teng un.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.