Amos 4:10 - Tedim Bible Revision 2017

¹⁰ Egypt gamah ka hong tunsak bangin note lakah gimna kong tungsak hi. Gal sungah na tangval teng uh ka sisak a, na sakolte uh kong paih khiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Tedim Bible

¹⁰ Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Amos 4:10 Referans Kwoze

Thu-hilhkikna 28:60

Amah in noteʼ kihtak Egypt natnate noteʼ tungah hong tungsakkik dinga, noteʼ tungah tuate kilawi lo ding hi.

Joel 2:20

Leilu lam gam panin a hong pai mite, note kiang panin sehnel gamah ka hawl khia dinga, a madawkte uh nisuahna tuipi sungah khia-in, a nungdalte uh nitumna tuipi sungah ka khia dinga, amaute in note tungah hong bawlna hangin a luanghawmte uh uih gawp ding hi.

2 KUMPI NIHNATE 13:7

Bang hang hiam cih leh Jehoahaz adingin galkap sakol tung tuang sawm nga le leeng sawm le khe galkap tul sawm bang bek om lai hi. Bang hang hiam cih leh Syria kumpipa in amaute susia-in leivui bangin amaute a bawl hi.

Siampi Laibu 26:25

Keimah in, thuciamna om sa bangin phulakna na a sem ding namsau khat noteʼ tungah kong tungsak ding hi. Na khuapi sung uh ah note na kikaihkhop uh leh zong keimah in noteʼ lakah natna kong tungsak dinga, na galte uh khut sungah note hong kipia ding hi.

Thu-hilhkikna 7:15

Topa in noteʼ tung panin natna khempeuh la khia ding hi. Note in na theih sa uh ahi Egypt gam a natna siate noteʼ tungah khat zong hong tung lo dinga, ahih hangin no hong mudahte khempeuh tungah tuate tungsak ding hi.

Amos 8:3

Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

Amos 4:6

Na khuapi khempeuh uh ah kial tungsakin, annek ding nei loin note a hong koihpa pen keimah hi napi-in, keima lamah nong kihei tuan kei uh hi, Topa in ci hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 11:22

Vanglian Topa in, “En un, amaute gim ka pia ding hi. A tangvalte uh namsau-in si ding uh a, a tapate le a tanute uh kialin a puksi ding uh hi.

2 KUMPI NIHNATE 13:3

Tua ciangin Israel-te tungah Topa heh a, amah in Syria kumpipa Hazaelʼ khut sung le Hazaelʼ tapa Benhadadʼ khut sungah amaute pia tawntung hi.

Thu-hilhkikna 28:22

Topa in pulnatna le cisa natna, meima nasia le a sa mahmah keutumna, huihpiʼ mut gawpna le a nom tawh note hong vat gawp dinga, note na sih matengun tuate na thuak ding uh hi.

Siampi Laibu 26:16

keimah in note tungah hih bangin kong hih ding hi: Noteʼ tungah hong tung dingin keimah in thakhat thu a dipkuatna, zawngkhalna le mite siasakin nuntakna a kiamsak ding cisa natna kong tungsak ding hi. Noteʼ lo pawi zong a mawkna hi ding hi; bang hang hiam cih leh na galte un tuate ne ding hi.

Paikhiatna 8:19

Mitphial siamte in Faroʼ kiangah, “Hih pen Pasianʼ nasepna ahi hi,” ci uh hi. Ahih hangin Faroʼ lungsim khauh a, Topaʼ gen sa bangin amah in amauteʼ thu ngai lo hi.

Jeremiah 48:15

Moab gam le a khuapite a susia ding pa hong pai to ta hi. A tangval hoih pente uh thah lup dingin kipaipih khinzo hi, ci-in Vanglian Topa a kici keimah Kumpipa in kong gen hi.

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlak a leeng vasate le leilak a ganhingte in a ne ding uh hi.

Jeremiah 15:3

“Amauteʼ sih nadingin gimna nam li ka tungsak ding hi. A kithah nading uh namsau, a kei zan gawp dingin ui, a valh tum ding le a susia gawp dingin huihlak a vasate le leilak a ganhingte ka koih ding hi.

Jeremiah 9:22

Gamlak a ki-tha ek bangin misi luang kipaithang dinga, buhlom at sa kinusia bangin kuamah in a khawm kei ding hi, ci-in a gen dingin Topa in kei hong sawl hi,” ka ci hi.

Jeremiah 6:11

Tua ahih ciangin Topa aw, kei zong ka heh mahmah a, ka thuak zo nawn kei hi,” ka ci hi. Tua ciangin Topa in kei hong hopih a, “Keiʼ tang dinga na hehna kongzing lak a naupangte tungah bua khia inla, tangvalteʼ kikhopna ah zong bua khia in. Papite le nupite zong kila khia dinga, piteek puteekte zong kipaikhiat pih ding hi.

Isaiah 9:13

Amaute a sat paʼ lamah Israel mite kihei lo a, Vanglian Topa zong lo uh hi.

2 KUMPI NIHNATE 10:32

Tua hun lai-in Topa in Israel gam pawl khat khenkhiat ding kipan hi. Hazael in Israel gam sung khempeuh ah amaute zo hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amauʼ mun muanhuaite mei tawh na hal dinga, namsau tawh amauʼ tangvalte thatin, amauʼ naupang neute lei na den khap nadinga, naupaii amauʼ numeite na phel kham ding hi,” a ci hi.

Paikhiatna 15:26

“Note in Topa na Pasian uh thu limtakin na ngaih uh a, ama mai ah a man nate hihin, ama thupiakte don a, ama ngeina kipte khempeuh na zuih uh leh, Egypt miteʼ tungah ka tunsak natnate khat beek noteʼ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Paikhiatna 14:4

Keimah in Faroʼ lungsim khauhsakin, amah in Israel-te hong delh dinga, Faro le a mihonpite khempeuh ka zawhna hangin minthanna ka ngah ding hi. Kei, Topa ka hihna thu Egypt mite in thei ding uh hi,” a ci hi. Amaute zong tua bangmahin gamta uh hi.

Paikhiatna 10:27

Ahih hangin Topa in Faroʼ lungsim khauhsak a, amah in amaute paisak lo hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Paikhiatna 9:17

Ka mite tungah nang kiliansak lai-in amaute na paisak kei hi.

Paikhiatna 9:12

Ahih hangin Topa in Faroʼ lungsim khauhsak a, Topa in Mosesʼ tunga a gen sa bangin amah in amauteʼ thu ngai lo hi.

Thu-hilhkikna 28:21

A luah dingin na lutna uh leitang panin note hong beisak matengin note lakah pulnatna a tun nadingin Topa in bawl ding hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 34:3

A kithat amauʼ mite kilawn khia dinga, a siluang hawmte uih semsem ding hi. Amauʼ sisan in mual khempeuh sansak ding hi.

Isaiah 50:11

Midang suksiat ding a sawm mite aw, noteʼ vaihawm siatna mah in note hong susia ding hi. Topa’ khut tung panin gimna thuakin na lum suk ding uh hi.

Jeremiah 49:26

Tua ahih manin Vanglian Topa in kong cih in ah, tua ni ciangin khuapi laizang ah tangvalte si ding uh a, galkap khempeuh zong a kithat khin ding uh hi.

Isaiah 9:12

Ama mai-a om Syria mite le a nung a om Filistia mite in kam ka-in Israel ne tum uh hi. Hih thute khempeuh hangin ama hehna dam zo nai lo a, ama khut kizanlai hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Hosea 11:5

Tua bang hi napi, kei lamah amaute hong kihei nuam lo uh ahih manin Egypt gamah paikik ding uh a, Assiria mite, amauʼ kumpi hi ding hi.

Haggai 2:17

Na an ciin khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lailai uh hi.