Amos 4:1 - Tedim Bible Revision 2017

¹ Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Tedim Bible

¹ Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 4:1 Referans Kwoze

Late 22:12

Bawngtal tampi tak in kei hong umcih uh a, Bashan gam bawngtal hatte in kei hong umcih uh hi.

Amos 6:1

Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Ezekiel 39:18

Tuutalte, tuunote, keelte le bawngtal thaute a kigawh bangin a kigo ahi galkapteʼ sate ne-in, leitung gam ukteʼ site a dawn ding uh ahi uh hi.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Joel 3:3

A galmatte uh kua in ngah ding, ci-in ai san uh a, zu le numei lei nadingin numeino le naupangnote sila-in a zuak uh hi.

Ezekiel 22:29

Mi cithei a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ututun gamta uh hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Jeremiah 51:34

“Babylon kumpipa Nebukhadnezzar in Jerusalem khua hong valh tumin, hong sukham gawp hi. Beel hawm bangin a hawmin hong koih a, gulpiʼ valh bangin hong nawmvalh hi. Ka neihsa a lim nono tawh amah kivak kham a, kei a hong hawl khia hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Jeremiah 7:6

namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, noteʼ gimna ding mah ahi pasian dang peuh na biak nawn kei uh leh,

Jeremiah 6:6

Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Thuhilh-sia 5:8

Kumpite in mizawngte gim ngahsakin, thuman thutangin na a kisep kei leh lamdang sa kei in. Uliante pen amauʼ tunga uliante in en uh a, tuateʼ tungah a en sawn a lian zaw khat om lai hi.

Late 140:12

Topa in gimna a thuak miteʼ thu a panpihna, mi cimawhte adingin thu a manin a khenna ka thei hi.

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangteʼ inn lam sate sutin a tang hi.

1 KUMPI MASATE 16:24

Amah in Shemerʼ tung panin ngun talen nihin Samaria mual lei hi. Amah in kulh tawh a mual um a, tua mual a nei pa Shemerʼ min tamin a lam sa khuapi min Samaria a phuak hi.

Thu-hilhkikna 28:33

Na theih nai loh uh minam khat in na leitang panun a piangte le na na sep sa khempeuh uh ne tum dinga, note hong kinengniamin hong kisu gawp tawntung lel ding hi.

Jeremiah 50:11

“Babylon mite aw, note in keima gamh Israel mite na luh gawp uh hi. Lungdamin kipakin, lopa kham bawng no bangin omin sakol bangin na ham uh hangin,

Thu-hilhkikna 24:14

“A zawng a cimawh a kicial nasem pa, na sanggamte khat ahi a, na gam sung na khuapite sunga om peemta khat peuhpeuh ahi zongin, na nengniam kei ding uh hi.

Ezekiel 18:12

Mizawng mi cimawhte khemin, miʼ na sut a, sum leitawi a lapa in khapna-in a piak nate piakik loin kem suak hi. Milim bia-in a zumhuai-in gamta hi.

Amos 6:6

Leenggahzu hai lian pipi-in na dawn uh a, sathau hoih pente tawh na kizut uh hi. Ahi zongin Josef minamteʼ siatna hangin them khat zong na dah het kei uh hi.

Gamlak-vakna 21:33

Tua ciangin amaute kihei-in Bashan lamah pai to uh hi. Bashan kumpipa Og le a mite khempeuh Edrei ah amaute a do dingin hong kuan uh hi.

JOB (Job) 24:4

Mizawngteʼ ngah theih dingte khaktan uh a, mizawngte not khia ahih manun amaute lau-in a bucip uh hi.

Paunak 22:7

Mihaute in mizawngte uk a, leitawi a late pen a piateʼ sila a suak hi.

Isaiah 28:1

Israel Kumpi gam in siatna a thuak ding hi ta hi. Zu a kham, a gam makaiteʼ lu tungah a om pak tawh a kibawl Kumpi lukhu bangin a minthanna maimang ta hi. A lutang uh paknamtui kinuh napi-in zukhamin tuk mangkhin uh hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Amos 3:3

Mi nih, thukimna om masa lopi-in lampi ah tonkhawm thei uh ahi hiam?