Amos 3:6 - Tedim Bible Revision 2017

⁶ Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?

Tedim Bible

⁶ Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Amos 3:6 Referans Kwoze

Isaiah 45:7

Keimah in khuavak le khuamial piangsakin, a pha nate le a sia nate ka piangsak a, hih nate khempeuh a bawlpa, keimah Topa ka hi hi,” a ci hi.

Zefaniah 1:16

galdo nading peengkul a kitum ni, kulh nei khuapite le a tausangte a kisimna-in galkapte a kiko ni hi ding hi.

2 KORIN NIHNA 5:11

Pasian zahtak nading thu ka lungsim uh ah om tawntung ahih manin mite ka zol zawh nadingun ka hanciam uh hi. Pasian in koteʼ lungsim teltakin hong thei a, note in zong na lungsim uh ah kei hong thei dingin ka hong um hi.

Piancilna 50:20

Note in ahihleh, keiʼ tungah a sia dingin na ngaihsun uh hi. Ahih hangin Pasian in tu hun a mah bangin mi tampite a nuntak theihna a pian nadingin a hoih dingin a ngaihsut ahi hi.

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Sawltak 4:28

Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.

Ezekiel 33:3

Galvil pa in galte hong pai a muh ciangin mi khempeuh a theihsak nadingin pataukohna peengkul tum hi.

Jeremiah 10:7

Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Hosea 5:8

Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Amos 3:5

Thang antah om lopi-in leilak a thang ah vasa mawk awk ahi hiam? A su khat om lopi-in, thang kimawk sai ahi hiam?

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ututin om thei lo hi. Mi khatlekhat ka kidosak hi.

2 KUMPI NIHNATE 6:33

Amaute tawh amah a kiho laitakin ama kiangah kumpipa hong pai sukin, “Hih lungkhamna Topaʼ piansak hi lo ahi hiam! Bang hangin Topa in bang khat peuhpeuh a sep ding ngak lai ding ka hi hiam?” a ci hi.