Amos 3:13 - Tedim Bible Revision 2017

¹³ Tu-in ngai un: Jakobʼ suanlekhakte hilh khol un, Vanglian Pasian ahi, Topa Pasian in ci hi.

Tedim Bible

¹³ Tu-in ngai un la, Jakob’ suan leh khakte hilhkhol un, mihonpite’ Pasian ahi, Topa Pasian in ci hi.

Amos 3:13 Referans Kwoze

1 THESALONIKA MASA 4:6

Hih bang thute ah kuamah in Khris sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauh takin note kiangah ka hong gen khol khinzo uh hi.

Efesa 4:17

Tu-in Topaʼ min tawh limtakin note kiangah ka hong gen nop thu in: Thu um lo dawi biate bangin gamta nawn kei un. Amauteʼ thu ngaihsutte a kimang bangmah om lo a,

Sawltak 20:21

Jew mi le Gentail mite a mawhna panun Pasianʼ lamah kihei-in i Topa Jesu a up nadingun thu ka gen khinzo hi.

Sawltak 2:40

Tua ciangin Peter in amaute tungah thu tampi gen thuahin hanthawn a, “Hih migiloteʼ gimthuak ding na tuah khak loh nadingun nomau mah in na suahtak nading uh lampi zong ciat un,” a ci hi.

Amos 5:27

Damaskas khengin gamdang khat ah sal dingin note kong paisak ding hi, Vanglian Pasian min a nei Topa in ci hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Isaiah 1:24

Tua ahih ciangin, Topa, Vanglian Topa, Israel-teʼ Vanglian Pasian in hih bangin ci hi: “Ah, ka lang ahi noteʼ tungah ka hehna kong khah khia dinga, ka gal ahi note tungah keimah in kong thuk ding hi.

2 KHANG TANGTHU NIHNATE 24:19

Ahi zongin Topaʼ lamah amaute a paipihkik dingin amah in amaute lakah kamsangte a puak hi. Hihte in amauʼ lang khat ah teci pang a, ahih hangin amaute in don lo uh hi.

2 KUMPI NIHNATE 17:15

Amaute in ama thukhamte le a pu a pate uh tawh a bawl a thuciamna le amaute tungah a piak hilh kholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amauʼ kiim a om minamte zui uh hi.

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilh khol a, “Na pu na pate uh ka thupiak thukhamte khempeuh le kamsangte ahi ka nasemteʼ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei tahen! Lehdona ahi a, Topaʼ tungah thuman lohna ahi zongin ahih a, Topa zuihna panin a pial dingin biakna tau lam ka hih uh leh, tu ni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuam a biakna ahi zongin piak nadingin a lam ka hih uh leh Topa mahmah in hong thuk tahen.

Thu-hilhkikna 8:19

Topa na Pasian uh mangngilhin pasian dangteʼ nung zui-in tuateʼ na semin na biak uh leh, na sia taktak ding uh hi, ci-in tu ni-in limtakin kong hilh khol hi.

Amos 3:14

Amauʼ khialhna hangin Israel gim ka piak ni ciangin, Bethel a biakna taute zong ka susia dinga, biakna tau kite kitanin leilak ah kia ding hi.