Amos 3:12 - Tedim Bible Revision 2017

¹² Topa in hih bangin ci hi: Humpinelkaiʼ nek baang tuu khebom nih ahi a, a bil them khat bek ahi zongin tuucingpa in a ngah tei mah bangin, tutphah nip kiu khat le lupna them khat tawh a kibang, Samaria sungah a om Israel mi tawmno khat suakta tei ding hi.

Tedim Bible

¹² Topa in hih bangin ci hi: Tuucingpa in humpinelkai’ nek baang tuu khebom nih ahi a, a bil them khat beek ahi zongin a ngah teei mah bangin, tutphah nip kiu khat leh lupna them khat tawh a kibang, Samaria sunga om Israel mi tawmno khat suakta tei ding hi.

Amos 3:12 Referans Kwoze

Isaiah 31:4

Bang hang hiam cih leh Topa in keima tungah hih bangin hong ci hi: Humpinelkai ahi a, humpinelkai khanglai a hat mahmah in ahi zongin a sa nek ding a ngik ciangin tua humpi a do dingin tuucing honpi khat kikaikhawmin, amauteʼ otna hangin lau tuan het loin, amauteʼ gamlumna hangin a sin a dawi tuan loh mah bangin Vanglian Topa zong Zion Mual tungah galdo dingin kuan suk ding hi.

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuan to-in tua khua la a, a mite galmatin Kir ah pua a, amah in Rezin a that hi.

1 KUMPI MASATE 22:25

Tua ciangin Mikaiah in, “En in, nangmah a bu dingin inn dei nungah na pai ni ciangin na thei ding hi,” a ci hi.

1 KUMPI MASATE 20:34

Tua ciangin Benhadad in ama kiangah, “Ka pa in na paʼ tung panin a lak khuapite kong piakik ding hi. Ka pa in Samaria ah a bawl mah bangin Damaskas ah nang adingin sumbuk na bawl thei ding hi,” a ci hi. Tua ciangin Ahab in, “Hih na thugenteʼ hangin nang kong suaktasak ding hi,” a ci hi. Tua ahih ciangin amah in thuciamna khat amah tawh bawlin a ciahsak hi.

1 KUMPI MASATE 20:30

Tua ciangin a omlaite Afek khuapi ah tai uh a, ahi zongin tuate mi tul sawm nih le tul sagih pen khuapi kulh in cipnelh hi. Benhadad zong tai a, khuapi sunga inn dei sung nung khat ah a lut hi.

Amos 6:4

Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawng no sa, duhduhin a ne note in gimna na thuak ding uh hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

Esther 1:6

Tua huang sungah suangkang khuamte kiphut a, khau malneu le khau dupsan tawh ngun kualte ah kikhihin a kikhai dalna puan pakte kikhungin, suangmanpha a san, a dum, a kang le a vom, a nam tuamtuamte kizangin a kizem suangphah kiphah tungah kham le ngun kibawl lupnate kikoih hi.

Esther 7:8

Kumpi huan panin a annekna mun uh ah kumpipa hong paikik ciangin Estherʼ tutna lamah Haman na awn phei-in a om mu a, kumpipa in, “Ka inn sung ka muhna nangawn ah hih mipa in kumpinu hih ding ahi hiam?” ci hi. Kumpipa in tua thu a cih phetin amaute in Hamanʼ mai puan a khuh uh hi.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susia mang loin pawl khat ka sitlai ding hi.

Isaiah 17:7

Tua ni ciangin mite in amaute a Bawlpa pi ngaihsut ding uh a, amauteʼ mit in Israel-teʼ Siangtho Pa en ding uh hi.