Amos 3:10 - Tedim Bible Revision 2017

¹⁰ Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.

Tedim Bible

¹⁰ Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Amos 3:10 Referans Kwoze

Zefaniah 1:9

Lawki mite bangin biakinn sungah a lamte, khemna le thahna tawh a ngah uh vante tawh, a topa uhʼ inn a dimsakte khempeuh, tua ni mahin gim ka pia ding hi,” a ci hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Late 14:4

Topaʼ tungah thu a ngen lo, annek bangin ka mite a ne tum, siatna a bawlte in thutheihna nei lo ahi hiam?

2 PETER NIHNA 3:5

Amaute in a kitheih mawh bawl uh thu pen: Tanglai pekin Pasian in ama kampauna tawh vantung le leitung na piangsak hi. Tui sung panin tui mah tawh leitung na piangsak a,

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

Amos 5:7

Thutang lumletin thuman mite lei a denna, note adingin bangzahin nasia ding ahi hiam?

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topaʼ lampi thei lo uh a, amauʼ Pasianʼ deihna a thei kei uh hi.

Ezekiel 8:17

Tua ciangin amah in, “Mihing ahi Ezekiel aw, huate na mu hiam? Hih Judah gam mite in na muh sa a muhdahhuai a gamtatnate uh tawh lungkim nai lo lai uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A sia thei tawpin hih bangin kei hong simmawh bawlna hong thei in.

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.

Ezekiel 22:29

Mi cithei a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ututun gamta uh hi.

Amos 6:3

Noteʼ tungah siatna hong tun ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.

Micah 6:10

Thuman lopi-in a ngah uh, migiloteʼ inn sunga van omte, keima deih loh tawitehna man lo zatnate, mangngilh thei ding ka hi hiam?

JOB (Job) 20:21

Amah in a nek ciangin a khamval cih omngei lo a, tu-in a hauhna khempeuh a bei mang khinta ahi hi.

Paunak 1:13

Na a manpha a namkimin i sut dinga, tua bang nate i inn dimin i nei ding hi.

Paunak 11:16

A dik numei kizahtak a, a dik lo numei mindai hi. A thadah mi in sum nei ngei lo a, a hahkat mi in sum hau hi.

Paunak 28:5

Mi siahuaite in thutang cih mel thei lo uh a, Topa a biate in ahihleh a kicingin a thei uh hi.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un: