Amos 3:1 - Tedim Bible Revision 2017

¹ Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Tedim Bible

¹ Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Amos 3:1 Referans Kwoze

Amos 2:10

No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Micah 3:1

Israel a uk makaite aw, hih thu ngai un: Note in thutang thuman a deih dingin a kilawm hi napi-in,

Jeremiah 8:3

Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 31:1

“Topa in kong cih in ah, tua hun ciangin kei pen Israel mi khempeuhteʼ Pasian ka hi dinga, amaute pen keima mite ahi ding uh hi,” a ci hi.

Isaiah 48:12

Jakob aw, ka thu ngai in. Kong sap Israel-te aw, ka thu hong ngai un! Kei pen amah ka hi a, kei pen a masa hi-in, kei pen a nunung zong ka hi hi.

2 KHANG TANGTHU NIHNATE 20:15

Tua ciangin amah in, “Judah gam khempeuh le Jerusalem-a teng khempeuh le Kumpi Jehoshafat aw, ngai un. Topa in hih bangin noteʼ tungah hong gen hi: ‘Kihta kei unla, hih a tam mihonpi hangin lungkia kei un; bang hang hiam cih leh galdona pen note aʼ hi loin Pasian-aʼ ahi hi.

Mangmuhna 2:29

Tua ahih manin zak nading bil a neite in Kha Siangtho in pawlpite kiangah a gen thute na za un.

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Isaiah 46:3

“Na suah a kipan kong tawi, gil sung pan a kong puak, Jakob innkuan, Israel innkuan a suakta laite khempeuh aw, keima thu hong ngai un.

Jeremiah 13:11

Bang hang hiam cih leh dialkaih, miteʼ kawng tungah a belh cinten mah bangin Israel mi khempeuh le Judah mi khempeuh keiʼ tungah a hong belh cinten dingin ka bawl hi. Tua hileh amaute ka mi hi ding uh a, ka minthanna, ka hoihna le ka vangliatna ding ahi ding uh hi. Ahih hangin amaute in ka thu hong mang lo uh hi, Topa in kong ci hi,” hong ci hi.

Micah 2:3

Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Zefaniah 2:5

Tuipi gei ah a gual ten, no Filistia gam mite aw, gimna na ngah ding uh hi. Filistia miteʼ teenna Kanaan leitang aw, Topa in nang tungah thu hong khen zo hi. Mi khempeuh a bei mang dongin hong susia ding hi.

1 KHANG TANGTHU MASATE 16:13

no ama nasem Abrahamʼ suante, Jakobʼ suante, ama teeltuamte aw!

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 5:1

Israel mite aw, kap kawmin kong thugenna, limtakin ngai un: