Amos 2:9 - Tedim Bible Revision 2017

⁹ Ahi zongin amaute ka khualna hangin taamtak sing bangin a sang mahmah, tawsaw kung bangin a khauh tuak mahmah Amor mite amau adingin ka suksiatsak a, a dawn pan a kipan a zung dongin ka suk maisak hi.

Tedim Bible

⁹ Ahi zongin amaute ka khualna-in, taamtaak sing bangin a sang mahmah, tawsaw kung bangin a khauh tuak mahmah, Amor mite amau adingin ka suksiatsak a, a dawn pana kipan a zung dongin ka sukmaisak hi.

Amos 2:9 Referans Kwoze

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

JOB (Job) 18:16

Lei sunga ama zungte keu-in, a tunga a hiangte a si ta hi.

Thu-hilhkikna 3:11

(Bang hang hiam cih leh Bashan kumpipa Og bek Refaim gam sungah a om lai ahi hi. Ama lupna a han pen suang han hi a, Ammon miteʼ khuapi Rabbah ah tua han om lai hi lo ahi hiam? Tua han a sauna pi sawm le li dektak hi a, a zaina pi guk ahi hi.)

Paikhiatna 34:11

“Tu ni-a kong thupiak zui in. En in, na mai ah Amor mite, Kanaan mite, Hit mite, Perez mite, Hiv mite le Jebus mite ka hawl khia ding hi.

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor miteʼ mawhna kicing nai lo hi,” a ci hi.

Ezekiel 17:9

“Tua ahih ciangin Topa Pasian ahi keimah in ka dotnop thu pen: ‘Hih leenggui hingin hoihtakin khang zo ding ahi hiam? Muvanlai masa pen in zungbawhin, a gahte zut khia-in, a hiangte kuaitanin, keu tumsak ding hi lo ahi hiam?’ cihna ahi hi. Tua leenggui bawhkhiat nadingin thahatna ahi a, minam lianpi ahi zongin kisam lo hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen a, amah in Israel miteʼ muhna ah, “Ni aw, Gibeon ah, Kha aw, Aijalon Kuam ah khawlcip in,” a ci hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin noteʼ mai panin Kanaan mite, Hit mite, Hiv mite, Perez mite, Girgash mite, Amor mite le Jebus mite hawl khia ding hi.

Thu-hilhkikna 1:28

Koi lai ah pai to ding ihi hiam? I sanggamte in i lungsim hong siasak khin uh a, “A mite ei sangin lian zaw-in sang zaw uh hi. A khuapite lianin van banin ki-um hi. Tua tham loin Anak mite tua munah ka mu uh hi,” hong ci uh hi,’ na ci uh hi.

Paikhiatna 3:8

Egypt miteʼ khut sung panin amaute khah khia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite le Jebus miteʼ omna ah amaute a paipih dingin kong pai suk hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Isaiah 10:33

En un, Topa, Vanglian Topa in a kihtakhuai vangliatna tawh sing hiangte heuh ding hi. A kung sangte kiphuk dinga, a kisangsakte a niamin kikoih ding hi.

Gamlak-vakna 32:13

Israel mite tungah Topa heh a, ama muhna ah siatna a gamta tua khangmi khempeuh a bei mateng kum sawm li sung gamlak ah amaute vak kawikawisak hi.

1 KHANG TANGTHU MASATE 1:14

le Jebus mite, Amor mite, Girgash mite,