Amos 2:7 - Tedim Bible Revision 2017

⁷ Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Tedim Bible

⁷ Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Amos 2:7 Referans Kwoze

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Ezekiel 22:11

Pawl khat in midangteʼ zi tawh nulepa mawhna bawl uh a, pawl khat in a mote mawh pihin, pawl khat in a sanggamnu ahi a paʼ tanu mawhpih hi.

1 KORIN MASA 5:1

Note lakah numei tawh paktatna nasia mahmah in, lawkite nangawn a gamtat lohte na gamtatna uh hong kigen a, mi khat in ama nukik nangawn a luppihna thu ka za hi.

Micah 2:9

Ka mihingteʼ numeite, amauʼ inn nuam panin na hawl khia uh a, a tate un a ngah ding keima thuphate na taansak paisuak uh hi.

Micah 2:2

Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

ROM (Romans) 2:24

Tua ahih manin Lai Siangtho sungah, “No Jew miteʼ hangin Gentail mite lakah Pasian kigensia hi,” ci-in kigelh hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Amos 8:4

Mi cimawhte tuancil gawpin, gam sung mizawngte a susia gawp mite aw, hih thu ngai un:

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Ezekiel 36:20

Ahi zongin midangte in, ‘Hih mite pen Topaʼ mite hi napi-in, Pasian in amauteʼ tungah a piak gam panin tai khia uh hi,’ ci-in a paina peuhpeuh uh ah na kigen ahih manin, ka min siangtho hong daisak uh hi.

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

1 KUMPI MASATE 21:4

Tua ciangin Jezreel khuami Naboth in ama tungah a thugenna hangin hehna le maikhinna tawh Ahab a inn ah ciah hi; bang hang hiam cih leh amah in, “Ka pu ka pateʼ gamh nang tungah kong pia kei ding hi,” ci hi. Amah a lupna tungah lumin a mai hei a, an ne lo hi.

2 SAMUEL NIHNA 12:14

Ahi zongin, hih bangin gamtatna tawh Topa thusim peuhmah lo na hih manin nangʼ sung panin a hong piang naungek si ding hi,” a ci hi.

Siampi Laibu 20:3

Kei mahmah in tua mipa ka maisiat dinga, ama mite lak panin ka hawl khia ding hi; bang hang hiam cih leh amah in a tate Molek tungah pia-in, ka biakbuk ninsakin, ka min siangtho daisak hi.

Siampi Laibu 18:15

Na monu na mawhpih kei ding hi; tua nu pen na tapaʼ zi ahi hi; amah na mawhpih kei ding hi.

Siampi Laibu 18:8

Nangmah in na paʼ zi dangte zong na mawhpih kei ding hi. Tua pen na paʼ mindai nading ahi hi.

Hosea 4:14

Na tanute uh a paktat manin gim ka pia kei dinga, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak ah, “Thuhoih phawk theihna a nei lo mite in siatna thuak ding hi,” kici hi.

Siampi Laibu 18:21

Nangmah in Molek tungah meihal biakna-a piak dingin na tate khat peuhpeuh na pia kei dinga, tua bangin na Pasianʼ min na daisak kei ding hi; keimah pen Topa ka hi hi.

Isaiah 3:14

Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

Isaiah 10:1

A cimawhteʼ thutang kimlai hei khiatsakin, keima mite sungah a zawngteʼ thuman sut khia-in, meigong numeiteʼ neihsa amau ading a suah theih nading le pa nei loteʼ neihsa amauʼ nek dingin a bawl theih nadingun a man lo thukhensatna pia a, nenniamna thu a gelhte in gimna ngah ta uh hen!

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.