Amos 2:5 - Tedim Bible Revision 2017

⁵ Tua ahih ciangin Judah gam sungteng ka kaang tumsak dinga, Jerusalem mun muanhuai teng a kaang tum ding hi.

Tedim Bible

⁵ Tua ahih ciangin Judah gamsung ka kangsak ding a, Jerusalem munmuanhuai teng kangtum ding hi.

Amos 2:5 Referans Kwoze

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite ah van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin kaang tum dinga, a mei a kiphelh zo kei ding hi,’ va ci in,” hong ci hi.

Jeremiah 21:10

Bang hang hiam cih leh Topa in kong cih in ah, hih khuapi hoih nading hi lo, a siat nadingin ka lungsim ka khensat khinzo hi. Babylon kumpipaʼ khut sungah ka pia dinga, amah in mei tawh a hal ding hi,’ na ci ding hi.

Jeremiah 52:13

Amah in Topaʼ biakinnpi a kipan kumpipaʼ inn le Jerusalem khua-a inn lian khempeuh a hal hi.

Jeremiah 39:8

Babylon mite in kumpipaʼ inn le midangteʼ innte hal uh a, Jerusalem khua kulhpi a susia uh hi.

2 KUMPI NIHNATE 25:9

Amah in Topaʼ biakinn a kipan kumpipaʼ inn le Jerusalem khua sunga om inn khempeuh hal a, inn lian khempeuh amah in hal tum hi.

Amos 3:11

Tua ahih ciangin galte in a gam uh umcihin, a panmun muanhuai teng uh susia gawp dinga, a inn lianpipite uh luh gawp ding uh hi, Topa in ci hi.

Amos 3:15

Keimah in phalbi le khuakhal innte ka susia dinga, saiha tawh a kibawl inn hoihte zong kisia-in, inn lian khempeuh bei mang ding hi, Topa in ci hi.

Amos 7:4

Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keu tumsakin leitung zong a hal tum dingin a hong kipan hi.

Amos 1:4

Tua ahih manin Hazael innkuante mei tawh ka hal dinga, a meikuang in Kumpi Benhadadʼ mun muanhuaite kaang tum ding hi.