Amos 2:10 - Tedim Bible Revision 2017

¹⁰ No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Tedim Bible

¹⁰ No ka mihingte, Izipt gam panin hong paikhiatpihin, gamlakah kum sawmli sung kong makaih a, note’ adingin Amor mite’ gam kong pia hi.

Amos 2:10 Referans Kwoze

Thu-hilhkikna 2:7

“‘Bang hang hiam cih leh na sepna khempeuh uh ah Topa na Pasian un note thupha hong pia hi. Hih a zai sehnel gam na paina uh amah in hong thei hi. Hih kum sawm li sung Topa na Pasian uh no tawh hong om hi. Bangmah na kisam kei uh hi, ci-in gen in,’ hong ci hi.

Paikhiatna 12:51

Tua ni teekteekin Topa in Israel mite a honpi-un Egypt gam panin a paikhiatpih hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Sawltak 13:18

kum sawm li sung gam sungah amaute na ompih kenkon hi.

Sawltak 7:42

Tua ahih manin kamsangte laibu sungah, ‘Israel mite aw, gamlak ah kum sawm li sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le noteʼ aksi pasian Refanʼ puanbuk ahi hi. Tuate pen na biak dingun noteʼ bawl tawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, van a om aksite a bia dingin amaute a sawl khia hi.

Micah 6:4

Bang hang hiam cih leh Egypt gam panin note kong paikhiatpih a, salsuahna panin ka hong hon khia hi. Note a hong makai dingin Moses, Aaron le Miriam ka hong sawl hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note kong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Paikhiatna 3:8

Egypt miteʼ khut sung panin amaute khah khia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite le Jebus miteʼ omna ah amaute a paipih dingin kong pai suk hi.

Ezekiel 20:10

“Tua ahih ciangin Egypt gam panin amaute paikhiat pihin gamlak ka tunpih a,

Late 95:10

Kum sawm li sung tua minam ka kih a, “Amaute pen a lungsim uh ah a khial mi hi a, amaute in ka thupiakte mang lo uh hi,” ka ci hi.

Nehemiah 9:21

Kum sawm li tawntung gamlak ah amaute na vak a, amaute in bangmah tangsapna nei lo uh hi. A puante uh zong sia lo a, a khe uh zong bawk beek lo hi.

Thu-hilhkikna 1:39

“Tua tham loin galteʼ mat suak ding hi, na cih uh na taneute uh le, tu hun laitakin a sia le a pha a khen thei nai lo na tate uh, tua gamah pai dinga, amaute tungah tua gam pia-in, amaute in tua gam luah ding uh hi.

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Gamlak-vakna 21:25

Israel-te in a khuapite khempeuh la-in, Heshbon gam sunga Amor miteʼ khuapi khempeuh le khua neu khempeuh ah a teeng uh hi.

Joshua 13:4

leitaw lamah, Kanaan mite leitang khempeuh le Sidon mite gam ahi Mearah gam Amor mite gamgi ahi Afek ciang,

Gamlak-vakna 13:32

Tua ahih ciangin amaute a tam zaw in amauʼ vaan sa gam thu Israel mite tungah a sia lamin hong puak uh a, “Kote, a vaan dingin ka va paina uh gam pen a tunga teeng mite a puksisak thei ding gam hoih lo ahi hi.

Gamlak-vakna 32:13

Israel mite tungah Topa heh a, ama muhna ah siatna a gamta tua khangmi khempeuh a bei mateng kum sawm li sung gamlak ah amaute vak kawikawisak hi.

Joshua 24:8

Tua ciangin Jordan gal khat ah a teeng Amor miteʼ leitang ah note kong paipih hi. Amaute in note hong do-in, noteʼ khut sungah amaute kong pia a, note in amauʼ leitang na luah uh a, noteʼ mai ah amaute ka susia hi.

Jeremiah 2:6

Amaute in, ‘Egypt gam panin eite hong paikhiat pihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlak ah a hong makaih Topa koi ah om ahi hiam?’ ci beek lo uh hi.