Amos 1:8 - Tedim Bible Revision 2017

⁸ Ashdod khuapi ah a teeng mite ka la khia dinga, Ashkelon khuapi ukte ka beisak ding hi. Ekron khuapi ka su gawp dinga, Filistia mi a omlaite si ding uh hi.

Tedim Bible

⁸ Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Amos 1:8 Referans Kwoze

Ezekiel 25:16

Tua ahih ciangin Filistia mite simin ka beimangsakna ding thu a hong gen khia ta ka hi hi. Filistia Zanglei a a om lai mi khempeuh ka susia mang ding hi.

Zekhariah 9:6

Ashdod khuapi ah minam dangte zong teng dinga, a kiphasak Filistia mite ka beisak ding hi.

Isaiah 20:1

Assiria kumpipa Sargon in a sawl galkap maang lianpen pa, Filistia khuapi Ashdod ah pai-in, tua khua va sim hi.

Late 81:14

Amauʼ galte khempeuh ka zawhsak pak dinga, amauʼ galte langpangin ka khut ka liik ding hi.

2 KHANG TANGTHU NIHNATE 26:6

Amah kuan khia-in Filistia mite va sim a, Gath khuapi kulh, Jabneh khuapi kulh le Ashdod khuapi kulh sucim hi. Tua ciangin amah in Ashdod gam sung le Filistia-teʼ gam sung mun dangte ah khuapite a lam hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Isaiah 1:25

Note tungah na kong sem dinga, meikhuk ah haltui bangin na saam-ek teng uh tui khiasakin, na kihel pih na nin khempeuh uh ka la khia ding hi.

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Joel 3:4

“Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.

Amos 1:7

Tua ahih ciangin Gaza khuapi kulh ka kaangsak dinga, a mun muanhuai teng a kaang tum mang ding hi.

Obadiah 1:18

Tua ciangin Jakob innkuante mei bang ding uh a, Josef innkuante meikuang bang ding uh hi. Esau innkuante nin pa bang hi ding uh a, amaute in a hal ding uh hi. Amaute kaang tum khin ding uh a, Esau innkuante khat zong a suakta kei ding hi. Bang hang hiam cih leh Topa in a gen zo hi.

Zekhariah 9:5

Ashkelon khuapi in hih thu mu-in lau dinga, Gaza khuapi in zong gim lawh ding hi. A lametna teng bei ding ahih manin Ekron khuapi in zong gim lawh ding hi. Gaza khuapi in a kumpipa taan dinga, Ashkelon khuapi kinusiacip ding hi.

1 SAMUEL MASA 6:17

Filistia-te in mawhna hanga biakna-in Topaʼ tungah a piak uh kham uilutte in: Ashdod ading khat, Gaza ading khat, Ashkelon ading khat, Gad ading khat le Ekron ading khat ahi hi.