Amos 1:6 - Tedim Bible Revision 2017

⁶ Topa in hih bangin ci hi: Gaza khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat sal dingin manin, Edom mite tungah ap uh hi.

Tedim Bible

⁶ Topa in hih bangin ci hi: Gaza khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, minam bup khat sal dingin, manin, Edom mite tungah ap uh hi.

Amos 1:6 Referans Kwoze

Amos 1:11

Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

2 KHANG TANGTHU NIHNATE 28:18

Tua ciangin Filistia mite in Shefelah le Judah-teʼ Negeb gam sung khuapite luh uh a, Beth-shemesh, Aijalon, Gederoth, Soko a khuaneute tawh, Timnah a khuaneute tawh le Gimzo a khuaneute tawh la uh a, amaute tua munah teeng uh hi.

Obadiah 1:11

Namdangte in a neihsa teng a puakkhiat ni-in gamdang mite a kongpi sungah a lut ni-in, Jerusalem-a vante hawmna ding ai a san ni-in, nangmah in gal et bek na hih manin nang zong a thukimpih na hi hi.

Amos 1:9

Topa in hih bangin ci hi: Taia khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat Edom mite tungah ap uh a, lawmta dinga a thuciamna uh zui lo uh hi.

1 SAMUEL MASA 6:17

Filistia-te in mawhna hanga biakna-in Topaʼ tungah a piak uh kham uilutte in: Ashdod ading khat, Gaza ading khat, Ashkelon ading khat, Gad ading khat le Ekron ading khat ahi hi.

Joel 3:6

Judah le Jerusalem mite, amauʼ gam panin gamlapi ah paipihin, Grik mite tungah na zuak uh hi.

Ezekiel 35:5

“Nang pen Israel miteʼ gal na hi tawntung a, a mawhna hangun gim a tuah ni a nunung pen, a lungkham thuak hun laitakun Israel mite nasiasak mang hi.

Zekhariah 9:5

Ashkelon khuapi in hih thu mu-in lau dinga, Gaza khuapi in zong gim lawh ding hi. A lametna teng bei ding ahih manin Ekron khuapi in zong gim lawh ding hi. Gaza khuapi in a kumpipa taan dinga, Ashkelon khuapi kinusiacip ding hi.

Amos 1:3

Topa in hih bangin ci hi: Damaskas khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gam mite gawi gawp uh hi.

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Sawltak 8:26

Topaʼ vantungmi khat in Filip kiangah, “Kithawi inla, Jerusalem khua panin Gaza khua paina lampi zuan dingin leitaw lam manawhin pai in,” a ci hi. (Tua lampi tu-in kizang pha nawn lo hi.)

Joel 3:4

“Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.

Amos 1:7

Tua ahih ciangin Gaza khuapi kulh ka kaangsak dinga, a mun muanhuai teng a kaang tum mang ding hi.