Amos 1:5 - Tedim Bible Revision 2017

⁵ Damaskas khua kulhpi zawlte ka sutan dinga, Aven Kuam a teeng mi khempeuh le Betheden Kuam sungah a om gam ukte khempeuh keimah in ka susia dinga, Syria mite ahihleh Kir gamah salin kipaipih ding hi.

Tedim Bible

⁵ Damaskas khua kulhkongpi zawlte ka sutan ding a, Aven Kuam-a teeng mite khempeuh leh Beth-eden Kuam sunga om gam ukte, Keimah in ka susia ding a, Siria mite ahih leh Kir gamah salin kipaipih ding hi.

Amos 1:5 Referans Kwoze

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuan to-in tua khua la a, a mite galmatin Kir ah pua a, amah in Rezin a that hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note kong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Jeremiah 51:30

Babylon galkapte in do nawn lo uh a, a phualpi uh ah a khawl uh hi. A tha uh om nawn lo a, numei tawh a kibang uh hi. A innte uh kihalsak a, a khua kongpi a kikalhna siktawnte a kitan hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa le mi liante salin a om khin uh hi. Thukham kihilh nawn lo a, kamsangte in Pasian kiang pan maang a mu nawn kei uh hi.

Nahum 3:13

Na galkapte, numei bang hi lel dinga, na galte a lut zawh loh nadingin na gam sung kihu zo lo ding hi. Na kulh kongpi zawlte mei in kaang tum ding hi.

Jeremiah 50:36

Kamsang zuau mihaite namsau tawh kithat tahen! A meidawi a galkapte namsau tawh kithat tahen!

Isaiah 43:14

Israel-teʼ Siangtho Pa, note a hong hon Topa in hih bangin ci hi: “Noteʼ hangin Babylon ah galkapte puakin, khua kongpi sikzawl khempeuh ka kuaitan dinga, Khaldea miteʼ kikona pen tauna awging ka suaksak ding hi.

Isaiah 22:6

Sakol leengte le sakol tung tuangte tawh Elam galkapte in thallawng pua uh a, Kir galkapte in a lumte uh a baih sa-in nei uh hi.

Ezekiel 27:23

Haran, Kanneh, Eden, Asshur le Khilmad khuapite in zong nang tawh sumlei sumzuakna ah kizopna hong nei uh hi.

2 KUMPI NIHNATE 14:28

Tu-in Jeroboamʼ gamtatna a omlaite, a hihte khempeuh, a vangliatna, a galsimna le Judah in a na neih ngei Damaskas le Hamath khuapite Israel adingin a ngahkikna, Israel Kumpiteʼ Khang Tangthu Laibu sungah kigelh hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

Ezekiel 30:17

On khuapi le Pibeseth khuapi tangvalte, gal sungah si khin ding uh a, a dang teng salin kiman ding hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Amos 5:5

A bia dingin Beer-sheba ah pai kei un. Bethel ah kei hong zong kei un; a mawkna suak ding hi. Gilgal ah zong lut kei un; Gilgal mite, sal a suak ding hi lel hi.