Amos 1:13 - Tedim Bible Revision 2017

¹³ Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Tedim Bible

¹³ Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Amos 1:13 Referans Kwoze

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Ezekiel 35:10

“Kei pen Israel le Judah miteʼ Topa Pasian hi napi-in, hih minam nihte nangma aʼ in ngaihsunin a luah dingin na kigen hi.

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Amos 1:3

Topa in hih bangin ci hi: Damaskas khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gam mite gawi gawp uh hi.

Ezekiel 21:28

“Mihing ahi Ezekiel aw, mailam thu gen inla, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baih sa-in om a, mi thah nadingin kinawtngil a, khuaphia bangin a tee zialzial dingin a kibawl hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

2 KHANG TANGTHU NIHNATE 20:10

“Tu-in en in, Egypt gam panin Israel-te hong paikhiat lai-in na simsak loh, amaute in a suksiat loh uh Ammon mite le Moab mite le Seir Mual gam mite,

2 KHANG TANGTHU NIHNATE 20:1

Hih thu khit ciangin Moab mite le Ammon mite le Meunim mite pawl khat, Jehoshafat a sim dingin hong kuan uh hi.

2 KUMPI NIHNATE 24:2

Tua ciangin ama nasem kamsangte tungtawnin a gen Topaʼ thugenna bangin Judah a susia dingin ama lang khat ah Topa in Khaldea mihonte, Syria mihonte, Moab mihonte le Ammon mihonte a sawl hi.

Thu-hilhkikna 2:19

Ammon miteʼ leitang na neih dingun khat zong hong pia lo ding ka hih manin, Ammon miteʼ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lotʼ suanlekhakte tungah ka pia khin hi,’ hong ci hi.

Late 83:7

Gebal, Ammon le Amalek mite, Filistia le Taia khua mite tawh thuciam a bawl uh hi.

2 KUMPI NIHNATE 15:16

Tua hun laitakin Menahem in Tappuah le a sunga teeng khempeuh le Tirzah pan a kipan a gam sungteng a luh hi. Bang hang hiam cih leh amaute in ama adingin a kongpite uh hong lo uh hi. Tua ahih ciangin amah in luhin, a sunga om numei naupaii khempeuh a phel kham hi.

Jeremiah 25:21

Edom, Moab le Ammon mite;

2 SAMUEL NIHNA 12:31

Amah in a sunga om mite paikhiat pihin singatnate, tuzumte le heite tawh na a sem dingin koih a, leiseek seekna ah amaute na semsak hi. Tua bangin Ammon miteʼ khuapi khempeuh a hih hi. Tua ciangin David le mi khempeuh Jerusalem ah a ciah uh hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amauʼ mun muanhuaite mei tawh na hal dinga, namsau tawh amauʼ tangvalte thatin, amauʼ naupang neute lei na den khap nadinga, naupaii amauʼ numeite na phel kham ding hi,” a ci hi.

Ezekiel 25:1

Topa in kei kiangah thu hong gen a,

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.