Amos 1:12 - Tedim Bible Revision 2017

¹² Tua ahih ciangin Teman gam sung khempeuh ka kaang tumsak dinga, Bozrah khuapi mun muanhuai teng kaang tum ding hi.

Tedim Bible

¹² Tua ahih ciangin Teman gamsung ka kangsak ding a, Bozrah khuapi mun muanhuai teng kangtum ding hi.

Amos 1:12 Referans Kwoze

Jeremiah 49:20

Ka mai ah kua kumpi hong ding ngam ding ahi hiam? Tua ahih manin Edom miteʼ thuak ding le Teman gam a teeng miteʼ gim nadingin Topaʼ geelna le ngimnate ngai dih un. A ta ngeekte nangawn uh kikai khia ding hi. Mi khempeuh lau taktak ding uh hi.

Jeremiah 49:7

Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 49:22

En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Jeremiah 49:13

Bang hang hiam cih leh Topa in kong cih in ah, Bozrah khua pen miteʼ lipkhap ding, zahpih ding, nusiat ding le kihamsiatna-in a zat ding uh a suak ding hi,” a ci hi.

Isaiah 34:6

Topa in namsau khat nei hi. Sisan tawh kidim dinga, biakpiakna tuuno si le keel si, tuutalteʼ kal thau tawh a kizolsak bang ding hi. Bang hang hiam cih leh Topa in Bozrah khua ah hih biakpiakna nei dinga, Edom gamah hih bang tampi thahna omsak ding hi.

Piancilna 36:33

Bela si a, Bozrah khuami Zerahʼ tapa Jobab in ama tangin a uk hi.

Piancilna 36:11

Elifazʼ tapate: Teman, Omar, Zefo, Gatam le Kenaz ahi hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Ezekiel 25:13

Tua ahih ciangin Edom mite gim pia-in, a mihing a ganhingin ka thahmangna ding thu tu-in kong pulak hi. Teman khuapi pan a kipan Dedan khuapi dongin a gam sung khempeuh uh gamkhing ka suaksak dinga, a mite khempeuh uh gal sungah si ding uh hi.

Obadiah 1:1

Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

1 KHANG TANGTHU MASATE 1:44

Bela a sih ciangin ama tangin Bozrah khuami Zerahʼ tapa Jobab in uk hi.