Amos 1:11 - Tedim Bible Revision 2017

¹¹ Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Tedim Bible

¹¹ Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Amos 1:11 Referans Kwoze

2 KHANG TANGTHU NIHNATE 28:17

Bang hang hiam cih leh Edom mite in Judah simkikin zo uh a, galmatin a mite pua khia uh hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Thuhilh-sia 7:9

Heh pahpah kei in; hehna a haihuai ahi hi.

Thu-hilhkikna 23:7

“Edom mite khatpeuh na mudah kei ding uh hi. Bang hang hiam cih leh amaute na sanggam uh ahi hi. Egypt mi khatpeuh na mudah kei ding uh hi. Bang hang hiam cih leh amauʼ gamah peemta na hi ngei uh hi.

Efesa 5:1

Note pen Pasian in a hong it a tate na hih manun amah tawh na kibat nadingun hanciam un.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Isaiah 57:16

Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Late 85:5

Koteʼ tungah heh paisuak ding na hi hiam? Khang tawntungin heh paisuak ding na hi hiam?

Zekhariah 1:15

Tua bangin nuam takin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka miteʼ gimna nasiasak semsem uh hi.

2 KHANG TANGTHU NIHNATE 20:10

“Tu-in en in, Egypt gam panin Israel-te hong paikhiat lai-in na simsak loh, amaute in a suksiat loh uh Ammon mite le Moab mite le Seir Mual gam mite,

2 KHANG TANGTHU NIHNATE 20:11

ka luah dingun kote tungah nong piak sa nangma neihsa panin kote a hong hawl khia dingin hong paina tawh amaute in kote hong leh thuk zawsop uh hi.

Hosea 8:3

amaute in a hoih nate paai khia uh ahih manin a galte un delh ding uh hi.