Amos 1:10 - Tedim Bible Revision 2017

¹⁰ Tua ahih ciangin Taia khuapi kulh ka kaang tumsak dinga, a mun muanhuai teng kaang tum mang ding hi.

Tedim Bible

¹⁰ Tua ahih ciangin Tai-ar khuapi kulh ka kangsak ding a, a mun muanhuai teng kangtum ding hi.

Amos 1:10 Referans Kwoze

Zekhariah 9:4

Ahi zongin Topa in a neih khempeuh laksakin tuipi sungah paihsak dinga, a khuapi a hal tum sak ding hi.

Amos 1:7

Tua ahih ciangin Gaza khuapi kulh ka kaangsak dinga, a mun muanhuai teng a kaang tum mang ding hi.

Amos 1:4

Tua ahih manin Hazael innkuante mei tawh ka hal dinga, a meikuang in Kumpi Benhadadʼ mun muanhuaite kaang tum ding hi.

Ezekiel 26:12

Noteʼ neihsa na hoih khempeuh, na galte un a ututin zang ding uh hi. Kulhte su pai-in inn hoih pipite sat thang gawp ding uh hi. Inn-a kizang sing le suang le na khempeuh la-in tuipi sung den nading uh hi.

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tung ta hi. Bang hang hiam cih leh Topa keimah in Filistia mite le Kaftor tuipi gei ah a omlaite ka susia ding hi.

Ezekiel 26:4

Na kulhpite susia-in, na tausangte supai ding uh hi. Tua ciangin leitang khempeuh kiat khia-in a suangtumte bek om lai ding hi.

Ezekiel 28:18

A man loin sum na bawl luatna hang, tua bang na mawhna hangin na biakna munte nasiasak hi. Tua ahih manin khuapi sung ka hal a, a vekpi-in kaang tum mang hi. Nangmah a hong en mi khempeuhʼ muhna ah vutlevai ka hong suah hi.

Joel 3:4

“Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.