3 JOHAN THUMNA 1:2 - Tedim Bible Revision 2017

² Ka lawm it Gaias aw, nang na ci damin na vai khempeuh zong na maa pai ding hi, ci-in ka lamen hi. Kha thu tawh kisai lamsang ah zong bangmah lungkhamna om lo ding hi, ci-in ka thei hi.

Tedim Bible

² Ka it mi aw, na lungsim a nopsak mah bangin nangmah in na khempeuhah nopsakna leh cidamna na ngah nading thu ka ngen hi.

3 JOHAN THUMNA 1:2 Referans Kwoze

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Filippi 2:4

Noteʼ phattuam nading bek ngaihsun kei unla, midangteʼ phattuam nading ngaihsutsak zaw un.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

Jeim 5:12

Hih thute khempeuh banah, sanggamte aw, thu khat peuhpeuh na gen uh ciangin kiciam se kei un. Vantung ahi a, na khat peuhpeuh tawh ahi zongin kiciam kei un. Pasianʼ thukhenna na thuakkhak loh nadingun ahite, “Hi,” ci lel unla, ahi lote, “Hi lo,” na ci lel un.

Filippi 2:27

Amah a ci na takpi a, zong si dektak hi. Ahi zongin Pasian in amah hehpih hi. Amah hehpih kei leh keima dahna kibehlap to sawnsawn ding ahih manin amah bek a hehpih hi loin kei zong a hong hehpih ahi hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

Mattiu 9:12

Jesu in hih thu a zak ciangin, “Cidamte in siavuan kisam lo uh a, cina mite bek in kisam uh hi.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.