3 JOHAN THUMNA 1:12 - Tedim Bible Revision 2017

¹² Mi khempeuh in Demetrias phatkim uh a, a manin ama gamtatna mahmah in hih thu a manna hong kilangsak hi. Kote in zong ama hoihna ka thei uh a, tua ama hoihna ka gennate uh a thuman ahi hi.

Tedim Bible

¹² Mi khempeuh in Demetrias ading teci a hi uh hi. Thuman thutak in zong ama teci a hi hi. Ahi hi, kote in zong tua mi lamah teci ka pang uh hi. Kote teci pan’na thu in a man hi ci-in na thei hi.

3 JOHAN THUMNA 1:12 Referans Kwoze

1 TIMOTI MASA 3:7

Pawlpi mi ahi lo midangte in zong a zahtak mite hi ding hi. Tua hileh mindai kha lo dinga, Dawimangpaʼ thang ah awk kha lo zaw deuh ding hi.

Johan 21:24

Jesu in tua a cih nungzui pa pen hih thute genin lai sungah a gelh pa hi a, ama thugente a man taktak hi, ci-in ka thei uh hi.

Sawltak 22:12

“Tua khua ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Johan 19:35

(Note in na up theih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a man taktak a gen ahihna thu zong a thei hi.)

1 THESALONIKA MASA 4:12

Tua bangin gamta le-uhcin thu um lo mite in note hong zahtak ding uh a, miteʼ neihsa na duhgawh kei ding uh hi.

Sawltak 6:3

Tua ahih ciangin sanggamte aw, note lak panin pilna le Kha Siangtho a nei mihing sagih hong kiteng khia unla, hih thute a vaihawm dingin i koih ding hi.

1 SAMUEL MASA 12:4

Tua ciangin amaute in, “Nangmah in kote nong khem kei a, zong nong nengniam kei a, mi khat peuhpeuh tung panin zong bangmah na la kei hi,” a ci uh hi.