3 JOHAN THUMNA 1:10 - Tedim Bible Revision 2017

¹⁰ Tua ahih manin kong pai ciangin kote hong gensiatna, zuau thu a genna le a gamtatna khempeuh ka pholak ding hi. Tua bang mi gensiatna ciang bek hi loin, i Khristian mipihte zin nangawn tungsak nuam lo a, zin a tungsak nuamte nangawn khamin, pawlpi panin hawlkhiat ding hanciam lai hi.

Tedim Bible

¹⁰ Tua a hih ciangin ka hong pai ciangin amah in a bawlna thu ka phawksak kik ding hi. Amah in en’na, siatsak nopna kam tawh kote hong kosia tham loin, ute naute ama innah a tungsak nuam kei hi. A tungsak nuam mite zong khamin, pawlpi sung pan a hawlkhia hi.

3 JOHAN THUMNA 1:10 Referans Kwoze

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Paunak 10:10

Khialhna kimuhmawh bawlna in buaina piangsak a, hang takin hilh ngamna in nopna piangsak hi.

2 KORIN NIHNA 13:2

A beisa hunah mawhna a gamtate le a dangte khempeuh kiangah, a nih veina ka hong hawh lai-in keima kam tawh kong gen bangin tu-in zong lai tawh ka hong gelh nop thu in: Ka hong paikik ciangin kuamah hong zah nawn lo ding ka hih manin gim na thuak pelmawh ding uh hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Paunak 10:8

Mipilte in thuhilhna mang a, a hai paute in lungkhamna tuak hi.

3 JOHAN THUMNA 1:5

Ka hong it lawm Gaias aw, na theih ngei loh hi napi-in i Khristian mipihte lungsim takpi tawh na na huh hi.

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

1 TIMOTI MASA 5:13

Tua bek zong hi loin, bangmah sem loin inn khat pan inn khat ah vak kawikawi-in a hun uh mawk beisak uh a, a vak mawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

2 JOHAN NIHNA 1:10

Tua ahih manin Khrisʼ hilh ahi hih thute a hilh lo midang khatpeuh note kiangah a hong pai leh na inn uh ah zong na tungsak kei unla, zong na hopih kei un.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

3 JOHAN THUMNA 1:3

Nang a mantakin a gamta na hih takpi mah bangin, i Khristian mipih hih lai-a hong pai peuhpeuh in a mantakin na nuntakna thu hong gen uh ahih manin ka nuam mahmah hi.