3 JOHAN THUMNA 1:1 - Tedim Bible Revision 2017

¹ A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.

Tedim Bible

¹ Upa in a man takin ka it Gaias kong zasak hi.

3 JOHAN THUMNA 1:1 Referans Kwoze

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 KORIN MASA 1:14

Krispas le Gaias cih sim loh note khat beek hong tuiphum lo ka hih manin ka nuam mahmah hi.

ROM (Romans) 16:23

Keima zintunna pa le pawlpiteʼ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

Sawltak 19:29

Khua sung khempeuh ah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi ah a kai uh hi.

Sawltak 20:4

Berea khuami Pirrasʼ tapa Sopater, Thesalonika khuami Aristarkhas le Sekundus, Derbe khuami Gaias, Timoti le Asia gam sung panin Tikhikas le Trofimas te in zong a zui uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

3 JOHAN THUMNA 1:2

Ka lawm it Gaias aw, nang na ci damin na vai khempeuh zong na maa pai ding hi, ci-in ka lamen hi. Kha thu tawh kisai lamsang ah zong bangmah lungkhamna om lo ding hi, ci-in ka thei hi.