2 SAMUEL NIHNA 8:2 - Tedim Bible Revision 2017

² Tua ciangin amah in Moab mite zo a, amaute khauzang khat tawh tehin, leilak ah amaute lumsak hi. Amah in thah dingin gual nih le khah dingin gual khat dim a teh hi. Tua ciangin Moab mite Davidʼ khutnuai mite suakin siah a puak uh hi.

Tedim Bible

² Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

2 SAMUEL NIHNA 8:2 Referans Kwoze

Gamlak-vakna 24:17

Amah ka mu hi; ahih hangin tu nai hun hi lo hi: Jakob sung pan aksi khat hong suak khia dinga, Israel sung pan kumpi ciangkhut hong piang ding hi. Tua in Moab thaltang satkham dinga, Shethʼ suante khempeuh su gawp ding hi.

Late 60:8

Moab gam ka kisilna kuang hi a, ka neihsa hi cih lahna limin Edom gam tungah ka khedap ka lawn a, Filistia gam tungah gualzawhna tawh ka awng hi,” a ci hi.

2 SAMUEL NIHNA 8:6

Tua ciangin David in Damaskas gam Aram ah khuacingte a koih hi. Syria mite Davidʼ nasem suak uh a, siah a puak uh hi. Topa in David a paina peuhpeuh ah gualzawhna a pia hi.

1 SAMUEL MASA 10:27

Ahih hangin bangmah a man lo mi pawl khat in, “Hih mipa in eite hong bangci hotkhiat zawh ding ahi hiam?” a ci uh hi. Amaute in amah simmawhin ama kiangah letsong puak lo uh hi. Ahih hangin amah in tua mite bangmah cih lo hi.

Isaiah 36:16

Hezekiahʼ thu ngai kei un; bang hang hiam cih leh Assiria kumpipa in hih bangin ci hi: Kei tawh kilemna hong bawl unla kei kiangah hong pai un. Tua hileh kei hong pai-in, noteʼ gam tawh a kibang gam khat, an le leenggahzu gamah kong koih matengin note khempeuh in nomauʼ leenggah ciat, nomauʼ theigah ciat, na tuikhuk panun nomau tui ciat na ne ding uh hi.

Late 108:9

Moab gam ka kisilna kuang hi a, keima neihsa hi, cih lahna limin Edom gam tungah ka khedap ka lawn hi. Filistia gam tungah gualzawhna tawh ka awng hi,” a ci hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthanna in Egypt gam ciang dong nangawn zel hi.

1 KHANG TANGTHU MASATE 18:2

Tua ciangin amah in Moab mite zo a, Moab mite Davidʼ nasem suakin siah hong puak uh hi.

2 KUMPI NIHNATE 17:3

Assiria kumpi Shalmaneser amah a simin kuan to hi. Tua ciangin Hoshea ama khutnuai mi suak a, ama tungah siah a puak hi.

2 KUMPI NIHNATE 1:1

Ahab a sih khit ciangin Moab gam in Israel lehdo hi.

2 SAMUEL NIHNA 12:31

Amah in a sunga om mite paikhiat pihin singatnate, tuzumte le heite tawh na a sem dingin koih a, leiseek seekna ah amaute na semsak hi. Tua bangin Ammon miteʼ khuapi khempeuh a hih hi. Tua ciangin David le mi khempeuh Jerusalem ah a ciah uh hi.

1 SAMUEL MASA 14:47

Saul, Israel-te tungah kumpi a suah khit ciangin mun khempeuh a ama galte khempeuh, Moab-te, Ammon-te, Edom-te, Zobah kumpite le Filistia-te a do hi. A galsimna peuhpeuh ah amah gualzo tawntung hi.

Late 83:6

Edom mite le Ishmael mite, Moab le Hagri mite,

1 SAMUEL MASA 22:3

Tua lai mun panin Moab gam Mizpah ah David a pai hi. Amah in Moab kumpipa kiangah, “Pasian in kei adingin hong sepsak ding ka theih matengin ka nu le ka pa na kiangah hong omsak in, ci-in kong thum hi,” a ci hi.

1 SAMUEL MASA 22:4

Amah in Moab kumpipa kiangah amaute nusia a, mun muanhuaina sungah David a om sungteng amah tawh om khawm uh hi.

1 KUMPI MASATE 4:21

Solomon in Eufratis panin Filistia gam le Egypt gamgi ciang dong kumpi gam khempeuh uk hi. Amaute in siah hong puak uh a, a nuntak sung tawntung uh Solomonʼ na sem uh hi.

Late 18:45

Gamdang mite lungkia uh a, a phualkip panun a liing sa-in hong paikhia uh hi.

Late 60:10

Pasian aw, nangmah in kote a hong don nawn lo khinta hi lo na hi hiam? Pasian aw, komauʼ galkapte tawh na hong kuan khia kei hi.