2 SAMUEL NIHNA 1:9 - Tedim Bible Revision 2017

⁹ Saul in kei kiangah, ‘Ka pangah ding inla kei hong that in; bang hang hiam cih leh gimna ka thuak a, ahi zongin ka naang lai hi,’ hong ci hi.

Tedim Bible

⁹ Amah in kei kiangah, ‘Ka pangah ding in la, kei hong that in; bang hang hiam cih leh gimna ka thuak a, ahi zongin ka naang lai hi,’ hong ci hi.

2 SAMUEL NIHNA 1:9 Referans Kwoze

2 SAMUEL NIHNA 1:8

Saul in kei kiangah, ‘Kua na hi hiam?’ hong ci hi. Keimah in Saul ka dawng a, ‘Kei, Amalek mi ka hi hi,’ ka ci hi.

2 SAMUEL NIHNA 1:10

Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta zo lo taktak ding hi, ci-in ka thei hi. Tua ciangin a lu tungah a om kumpi lukhu le a ban tungah a om a banbulh kong la a, tuate hih lai ka topa kiangah kong paipih hi,” a ci hi.

Thukhente 9:54

Tua ciangin amah in ama hiam a tawisak tangvalpa nawh sapin ama kiangah, “Na namsau dok inla kei hong that in. Tua hikeileh mite in, ‘Numei khat in amah that hi,’ hong ci kha ding uh hi,” a ci hi. A tangvalpa in amah sun letin amah a si ta hi.

1 SAMUEL MASA 31:4

Tua ciangin Saul in a galhiam pua pa kiangah, “Hih dawibia mite hong pai-in kei hong dawt letin hong mawlpih kha ding uh ahih manin na namsau dok inla, tua tawh hong dawt let in,” a ci hi. Ahih hangin a galhiam pua pa in hih ngam lo hi; bang hang hiam cih leh amah lau mahmah hi. Tua ahih ciangin Saul in ama namsau la-in tua tungah puk hi.

1 KHANG TANGTHU MASATE 10:4

Tua ciangin Saul in a galvan pua pa kiangah, “Na namsau dok inla tua tawh kei hong sun let in. Tua hikeileh hih dawibia mite hong pai-in kei hong khelbawl kha ding hi,” a ci hi. Ahih hangin a galvan pua pa in hih ngam lo hi; bang hang hiam cih leh amah lau mahmah hi. Tua ahih ciangin Saul in ama namsau la-in tua tungah puk hi.

Mangmuhna 9:6

Tua hun ciangin mite in a sih theih nading uh a zonzon uh hangin sih theih nading lampi mu lo ding uh a, si nuam mahmah napi-un si thei het lo ding uh hi.