2 SAMUEL NIHNA 1:2 - Tedim Bible Revision 2017

² A ni thum ni-in, a puan kikekin a lu tungah lei omin Saulʼ giahphual panin mi khat hong pai hi. David kiangah amah hong tun ciangin leilak ah pukin zahtakna a bawl hi.

Tedim Bible

² a ni thum ni-in, en in, a puan kikeekin a lu tungah lei omin Saul’ giahphual panin mi khat hong pai hi. David kiangah amah hong tun’ ciangin lei lakah pukin zahtakna bawl hi.

2 SAMUEL NIHNA 1:2 Referans Kwoze

1 SAMUEL MASA 4:12

Giahphual panin Benjamin mi khat hong tai-in a puan kikeek sa le a lu tungah leivui khu-in Shiloh hong tung hi.

2 SAMUEL NIHNA 4:10

mi khat in kei kiangah, ‘En in, Saul si hi,’ ci-in hong gen ciangin, amah thuhoih puakin kingaihsun a, ama thu puak thaman ka piakna-in amah manin Ziklag ah ka that hi.

1 SAMUEL MASA 25:23

Abigail in David a muh ciangin kinawh a, a la tung panin tuakin Davidʼ mai ah puk a, leilak ah a kun hi.

Joshua 7:6

Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satanʼ pawlte, noteʼ mai ah hong paisakin na khephung uh ah ka boksak dinga, note ka hong itna thu amaute ka theisak ding hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Hosea 6:2

Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

Esther 5:1

A ni thum ni-in Esther in a kumpi puan silhin kumpipaʼ inntual sung nungah dingin kumpi inn lam a nga hi. Kumpi inn sung a kumpi tokhom tungah kumpipa tu-in kongpi lam na nga hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

2 SAMUEL NIHNA 15:32

Pasian a kibiakna mun mual dawnah David a tun ciangin, Arkhi mi Hushai amah a dawn dingin a puan tungsilh bal kek sa le a lu tungah lei baang tawh hong pai hi.

2 SAMUEL NIHNA 14:4

Kumpipa kiangah Tekoa numei a pai ciangin lei ah maipukin zahtakna bawl a, “Hong huh in! Aw kumpipa,” a ci hi.

1 SAMUEL MASA 20:41

Naupang a paikhiat khit phetin suangcian pang panin David dingin lei ah maipuk a, thum vei kun hi. Jonathan sangin David nakpi takin dah zaw a, amau khatlekhat kinamin, khitui luangin khatlekhat kikah uh hi.

1 SAMUEL MASA 4:16

Mipa in Eli kiangah, “Keimah, galphual panin hong ciah ka hi a, tu ni-in giahphual panin kong tai hi,” a ci hi. Tua ciangin amah in, “Ka tapa aw, bangci ahi hiam?” a ci hi.

Piancilna 43:28

Amaute in, “Nangma nasem ka pa uh dam hi. Amah nungta lai hi,” a ci uh hi. Amaute in a lu uh kun uh a, zahtakna a bawl uh hi.

Piancilna 37:34

Tua ciangin Jakob in ama puan bal kekin, a kawng ah puanhampi teeng a, a tapaʼ hangin ni tampi sung a kap hi.

Piancilna 37:29

Reuben dumah paikikin dum sungah Josef a om lohna a muh ciangin amah in a puan bal kek a,

Piancilna 22:4

A ni thum ni ciangin Abraham khuadak to-in a gamla ah tua mun a mu hi.

2 SAMUEL NIHNA 1:3

David in ama kiangah, “Koi panin hong pai na hi hiam?” a ci hi. Tua ciangin amah in David kiangah, “Israel giahphual panin kong suakta hi,” a ci hi.

Ezekiel 27:30

Nangma hangin nakpi takin kap uh a, a lu uh leivui thehin vut lakah a bual uh hi.

2 SAMUEL NIHNA 13:19

Tua ciangin Tamar in a lu tungah vut koihin ama silh puan tualpi bansau bal kek hi. Tua ciangin a lu tungah a khut koihin paikhia a, a pai kawmin a gingin a kap hi.

2 SAMUEL NIHNA 24:20

Araunah a khuadak suk ciangin kumpipa le a nasemte ama lamah a hong pai to a mu hi. Araunah pai khia-in a mai lei ngatin kumpipa zahtakna a bawl hi.