2 SAMUEL NIHNA 1:16 - Tedim Bible Revision 2017

¹⁶ Tua ciangin David in ama kiangah, “Nangma mawhna nangma lu tungah tung tahen; bang hang hiam cih leh nangma kampau in nangʼ lang khat ah teci pangin, ‘Topaʼ sathau nilh pa ka that khin hi,’ na ci hi,” a ci hi.

Tedim Bible

¹⁶ Tua ciangin David in ama kiangah, “Nangma mawhna nangma lu tungah tung ta hen; bang hang hiam cih leh nangma kam in nang lang khatah teci pangin, ‘Topa’ sathau nilhpa ka that khin hi,’ na ci hi,” a ci hi.

2 SAMUEL NIHNA 1:16 Referans Kwoze

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Luka 19:22

A topa in ama kiangah, ‘Nasem gina lopa aw, nangma kampau mah tawh nang na kiman hi. Sum lam lopi-in sum ka deihlam, lokho lopi-in an la nuamin, mi sit hak ka hih lam nong thei hi.

Siampi Laibu 20:9

“Bang hang hiam cih leh a nu ahih kei leh a pa a samsia mi peuhmah kithat ding hi. Amah in a nu ahih kei leh a pa samsia khin a, ama sihna a mahmah ngawh ding ahi hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Paunak 6:2

Na kampauna hangin nang hong kimanin, na thuciamna hangin na awk kha hiam?

1 KUMPI MASATE 2:37

Bang hang hiam cih leh nang pai khia-in Kidron lui na kantan ni-in na sih ding teltakin thei in; na sih leh nangma khialhna hang hi ding hi,” a ci hi.

2 SAMUEL NIHNA 1:10

Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta zo lo taktak ding hi, ci-in ka thei hi. Tua ciangin a lu tungah a om kumpi lukhu le a ban tungah a om a banbulh kong la a, tuate hih lai ka topa kiangah kong paipih hi,” a ci hi.

1 SAMUEL MASA 26:9

Ahih hangin David in Abishai kiangah, “Ama tungah siatna bawl kei in; bang hang hiam cih leh Topaʼ sathau nilh pa a su peuhpeuh mawhna pan peng ding sa na hi hiam?” a ci hi.

Joshua 2:19

Mi khatpeuh na inn sung panin kongzing lampi ah a paikhiat le ama sihna pen ama khialhna hang hi dinga, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen koteʼ khialhna hi ding hi.

Sawltak 20:26

Tua ahih ciangin tu ni mahmah in note tungah limtakin kong gen nop thu in: Note khat peuhpeuh Pasian tawh kikhenin siatna na tuah uh leh keiʼ tavuan hi nawn lo hi.

Ezekiel 33:5

Amah in pataukohna za napi-in don lo ahih manin, ama sihna pen ama khialhna hang ahi hi. Thudon hileh amah a suakta ding ahi hi.

Ezekiel 18:13

A meet lunggulhna-in sum leitawi pia a, a meet zong a kilawm loin tampi tak la hi. Hih bang mipa nungta ding ahi hiam? Nungta het lo ding hi. Hih bangin a mindai huaite khempeuh gamta ahih manin tuateʼ hangin amah si ding hi. Ama sihna pen ama mawhna hang ahi hi.

JOB (Job) 15:6

Na mawhna thu keiʼ hong gen kisam lo a, na pauna khempeuh in na mawhna hong langsak ta hi.

Thukhente 9:24

Tua pen, Jerubbaal tapa sawm sagihte a kithahna thu tawh kisai-in, amaute a that a sanggampa uh Abimelek le a sanggamte thah nadingin a hanthawn Shekhem mite tungah thukkikna hong tun theih nadingin a kibawl mahmah ahi hi.

Thu-hilhkikna 19:10

Tua hikeileh Topa na Pasian un luah dingin note hong piak leitang tungah mawhbaang lo mi kithat kha dinga, tua mi thahna hanga mawhna noteʼ tungah hong tu ding hi.

Siampi Laibu 20:27

“Numei ahi a, pasal ahi zongin van a kah a, ai a saan leh kithat dinga, suang tawh amaute kidenglum ding hi. Amauʼ sihna amau mah ngawh ding ahi hi,” a ci hi.

Siampi Laibu 20:16

Numei khat in ganhing khat naihin tua tawh a mawh leh, note in a numei le a ganhing na that ding uh hi; amauʼ sihna amau mah ngawh ding ahi hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

2 SAMUEL NIHNA 16:8

Ama tangin na uk Saulʼ innkuante na thahna hangin Topa in nangma tungah hong thuk hi. Topa in na tapa Absalomʼ tungah kumpi gam pia khinta hi. Thei in, na siatna nangma lu tungah hong tu hi; bang hang hiam cih leh nang pen mi that pa na hi hi,” a ci hi.

1 SAMUEL MASA 25:39

Nabal a sihna thu David in a zak ciangin amah in, “Nabal khut tung panin ka ngah zahkona hong thuksakin, siatna panin a nasem pa a lenkik Topa in thupha ngah tahen. Topa in Nabalʼ gamtat siatna ama lu tung mahah tungkiksak hi,” a ci hi. Tua ciangin David in mi sawlin ama zi dingin Abigail helsak hi.