2 SAMUEL NIHNA 1:11 - Tedim Bible Revision 2017

¹¹ Tua ciangin David in ama puante lenin bal kek a, amah tawh a om mite khempeuh in zong tua bangmahin a hih uh hi.

Tedim Bible

¹¹ Tua ciangin David in ama puante lenin balkeek hi; amah tawh a om mite khempeuh in tua mah bangin hih uh hi.

2 SAMUEL NIHNA 1:11 Referans Kwoze

2 SAMUEL NIHNA 13:31

Tua ciangin kumpipa dinga, a puante bal kekin leilak ah a lum hi. A kiang a om a nasemte khempeuh in zong a puan uh bal kek uh hi.

2 SAMUEL NIHNA 3:31

Tua ciangin David in Joab le amah tawh a om mi khempeuh kiangah, “Na puan uh bal kekin puanhampi silh unla, Abnerʼ mai ah kap un,” a ci hi. Kumpipa David in hankuang a zui hi.

Piancilna 37:29

Reuben dumah paikikin dum sungah Josef a om lohna a muh ciangin amah in a puan bal kek a,

Piancilna 37:34

Tua ciangin Jakob in ama puan bal kekin, a kawng ah puanhampi teeng a, a tapaʼ hangin ni tampi sung a kap hi.

ROM (Romans) 12:15

A lungdam mite lungdam pih unla, a dah mite dahpih un.

Sawltak 14:14

Ahi zongin Barnabas le Paul in hih thu a zak uh ciangin mihonteʼ vaihawmna a nialna limun a puan uh bal kekin mihon lakah tai-in kiko uh a,

Joshua 7:6

Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

Piancilna 44:13

Tua ciangin amaute in a puan uh bal kekin, a late uh a van suan ciatin, khuapi ah hong kilehkik uh hi.

2 SAMUEL NIHNA 13:19

Tua ciangin Tamar in a lu tungah vut koihin ama silh puan tualpi bansau bal kek hi. Tua ciangin a lu tungah a khut koihin paikhia a, a pai kawmin a gingin a kap hi.

2 KHANG TANGTHU NIHNATE 34:27

hih mun le a tunga teengte langpanna ama kammal na zak ciangin na lungsim kisikin Pasianʼ mai ah na kiniamkhiat a, keima mai ah nang kiniamkhiatin na puante bal kekin ka mai ah kap na hih manin, kei zong nang kong za hi, Topa in ci hi.

Ezra 9:3

Hih thu ka zak ciangin dah mahmah in ka puante bal kekin, ka sam le ka khamul botin, cih nading thei loin ka om hi.

Esther 4:1

Mordekai in hih thupiang teng a theih ciangin a puan bal kekin puanhampi silhin vut kibuak a, nakpi takin a kap kawmin khua sungah vak kawikawi hi.

Jeremiah 36:24

Ahih hangin kumpipa ahi a, hih thute a za khin a nasemte khat beek ahi zongin lau tuan loin, kisikkik lo uh ahih manin a puan uh a bal kek kei uh hi.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

2 KUMPI NIHNATE 5:7

Israel kumpipa in a laikhak a sim ciangin amah in a puante bal kekin, “Mi khat a phak natna damsak dingin hih mipa in kei tungah hih thu hong puak nadingin a that ding le a nungtasak dingin kei, Pasian ka hi hiam? Ngaihsun dih un. Kei tawh kitot nading a zonna thei un,” a ci hi.