2 SAMUEL NIHNA 1:10 - Tedim Bible Revision 2017

¹⁰ Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta zo lo taktak ding hi, ci-in ka thei hi. Tua ciangin a lu tungah a om kumpi lukhu le a ban tungah a om a banbulh kong la a, tuate hih lai ka topa kiangah kong paipih hi,” a ci hi.

Tedim Bible

¹⁰ Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta lo taktak ding hi, ci-in ka thei hi; tua ciangin a lu tungah a om kumpi lukhu leh a baan tungah a om a banbulh kong la a, tuate hih lai ka topa kiangah kong paipih hi,” a ci hi.

2 SAMUEL NIHNA 1:10 Referans Kwoze

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Thukhente 9:54

Tua ciangin amah in ama hiam a tawisak tangvalpa nawh sapin ama kiangah, “Na namsau dok inla kei hong that in. Tua hikeileh mite in, ‘Numei khat in amah that hi,’ hong ci kha ding uh hi,” a ci hi. A tangvalpa in amah sun letin amah a si ta hi.

2 KUMPI NIHNATE 11:12

Tua ciangin amah in kumpipaʼ tapa paikhiat pihin, ama lu tungah kumpi lukhu khusak a, kumpi hihna teci panna lai amah a pia hi. Tua ciangin amaute in amah kumpi hi, ci-in taangko-in amah sathau a nilh uh hi. Tua ciangin amaute in a khut uh bengin, “Kumpipa khansau hen!” a ci uh hi.

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.

2 SAMUEL NIHNA 12:30

Tua ciangin amah in amauʼ pasian Molek lu tungah a om lukhu a laksak hi. Tua lukhu kham talen khat gik a, a sungah suangmanpha khat om hi. Davidʼ kumpi lukhu tungah tua suangmanpha kikoih hi. Tua ciangin amah in khuapi sunga van kinusiate tampi tak paikhiatpih hi.

1 SAMUEL MASA 22:18

Tua ciangin kumpipa in Doeg kiangah, “Kihei inla, siampite hih in,” a ci hi. Edom mi Doeg kihei-in siampite hih a, tua ni-in saihadial siampi puan a silh mihing sawm giat le nga a that hi.

Thukhente 1:7

Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

2 SAMUEL NIHNA 1:9

Saul in kei kiangah, ‘Ka pangah ding inla kei hong that in; bang hang hiam cih leh gimna ka thuak a, ahi zongin ka naang lai hi,’ hong ci hi.

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung tahen; bang hang hiam cih leh nangma kampau in nangʼ lang khat ah teci pangin, ‘Topaʼ sathau nilh pa ka that khin hi,’ na ci hi,” a ci hi.