2 PETER NIHNA 2:3 - Tedim Bible Revision 2017

³ Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Tedim Bible

³ Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

2 PETER NIHNA 2:3 Referans Kwoze

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

Thu-hilhkikna 32:35

Phulakna le thukkikna kei aʼ hi a, a hun ciangin amaute puk ding uh hi. Bang hang hiam cih leh amauʼ gim ngah hun ding hong nai ta a, amauʼ siat nading hong tung pah hi.

1 THESALONIKA MASA 2:5

Tua ahih manin note in na theih uh mah bangin miteʼ lungdam theih nading phatna kamte ka zang kei uh a, koteʼ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Juda 1:15

Pasianʼ deihna bangin a gamtat lohna hang uh le kam hoih lo pipi zangin Pasian a gensiatnate uh hangin Pasianʼ deihna bangin a gamta lo mite tungah thu khenin mawhsakna pia ding hi,” na ci hi.

Titu 1:11

Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauh theih nading lampi bekin a ngaihsun mite in a tawntungin kitot kiseelna a piangsak uh ahi hi.

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

2 PETER NIHNA 1:16

I Topa Jesu Khris a vangliatna le a hong paikik nading thute note kiangah kong gen uh ciangin mihingteʼ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.

Juda 1:4

Bang hang hiam cih leh Pasianʼ thu a ngaihsun lo mi pawl khat, eite lakah kuama phawk lohin hong lut sim uh a, amauteʼ mawh gamtat ngamnate a seelna-un Pasianʼ hehpihna thupha a lehlamin hei-in, eite in khat bek i neih i Mangpa le i Topa ahi Jesu Khris a nial uh hi. Hih bang miteʼ gimthuak ding thu tanglai pekin Lai Siangtho in a gen sa thu ahi hi.

1 PETER MASA 2:8

a cihna leh, “Hih suang pen miteʼ hoina suak dinga, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tua ci ding mahin a deih ahi hi.

1 TIMOTI MASA 3:8

Pawlpi upa dingte zong a gamtat hoih, a lungsim citak, leenggahzu tam a ne lo, sum thu ah a huaiham mi hi lo ding uh hi.

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Luka 22:47

Tua bangin thu a gen laitakin mihonpi khat hong pai a, sawm le nihte sung panin Judas a kici mipa hong makai-in Jesu a nam dingin hong naih hi.

Luka 20:20

Tua ahih manin a hunhoih ngakin vil gige uh a, ukna aana a neiteʼ khut sungah Jesu a ap theih nadingun ama kampau tawh a mat nopna-un, lungsim takpi tawh thu dong a va kineihkhem dingin mi pawl khat thukan dingin a cial uh hi.

Luka 18:8

Keʼn kong cih in ah, amauteʼ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a gen thuah hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Ezekiel 13:19

Mangbuhham khut khat dim le anlum them tawm khat na ngah theih nadingun ka miteʼ mai ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in noteʼ thugen hong um uh hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Isaiah 60:22

A ngek pen mipa minam khat suak dinga, a neu pente milianpi suak ding hi. Kei pen Topa ka hi hi. A hun a tun ciangin keimah in thakhatin hih thu ka tungsak ding hi.

Isaiah 56:11

Uite in nakpi takin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amauʼ phattuam nading bek a zong ciat uh hi.

Late 81:15

Kei a hong mudahte ka mai ah hong kun ding uh a, amauteʼ gim thuakna kip paisuak ding hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

Late 18:44

Ka thu a zak phetun amaute in hong mang pah uh a, gamdang mite in kei hong mai-et uh hi.

Thu-hilhkikna 24:17

“Peemtaʼ thu ahi a, pa nei lo miʼ thu ahi zongin tuate ading thutang na heisak kei ding uh a, meigong numeiʼ puan zong khapna-in na laksak kei ding uh hi.

JOB (Job) 6:27

Mi cimawh khat suksiat gawp sawm a, na lawm khat uh hih gawp sawm na hi uh hiam?

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zang mang uh a, mite in mihoih hong sak theih nading na deihna-un thu sau pipi na ngen uh hi. Hih bangin na gamtatna uh hangin na gim thuak ding uh nasia zaw kan lai ding hi.