2 PETER NIHNA 1:20 - Tedim Bible Revision 2017

²⁰ Na phawk ding uh a thupi mahmah khat in: Lai Siangtho sunga om thugen kholhnate, kuamah in ama pilna tawh a khiatna gen thei lo hi.

Tedim Bible

²⁰ Lai Siangtho-ah a om Pasian’ kamsangte’ thu in mi ut thu bangin a khiatna dawk lo hi ci-in a masa belin na thei un.

2 PETER NIHNA 1:20 Referans Kwoze

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawl khat hong om dinga, amaute in note hong zahpih bawlin,

ROM (Romans) 12:6

Tua ahih manin Pasian in hehpihna hong piakkhongna tawh kizui-in i siamna a tuamtuamte zang ciat ni. I siamna pen Pasianʼ thu gen theih nading siamna ahihleh i upna neihzah tawh kizui-in gen ni.

Jeim 1:3

Tua bangin na upna uh hong kize-etna na thuak zawh uh ciangin na kipna uh hong kilangsak ahihna thu na thei uh hi.

1 TIMOTI MASA 1:9

Ahi zongin i phawk dingah, mihoihte adingin thukham a kibawl hi lo a, thukham zui lote, thumang lote, Pasianʼ deih bangin a gamta lote le mawhneite, biakna lungsim a nei lote le kam kilawm lo a paute, nute pate a thatte, midang a thatte,

ROM (Romans) 13:11

Tu hun pen bang hun hi ta ahi hiam, ci-in thei ta na hih manun tu-a bangin na gamtat ding uh ahi hi. Tu-in note in khua phawkin na khanlawh ding uh hun hi ta hi. Bang hang hiam cih leh Jesu Khris i up cil lai hun sangin tu-in Pasian in leitung haksatna panin eite hong hotkhiat ding hun hong nai zaw hi.

ROM (Romans) 6:6

Mawhna khutnuai ah eite i om nawn loh nadingin mawhnopna lungsim i neihna teng i sucip a, singlamteh tungah Khris a sih laitak mahin i ngeina lui teng a sisak khawm ihihna thu i thei hi.

2 TIMOTI NIHNA 3:16

Pasianʼ na a sem mite mi cingtaak hi-in, na hoih namkim a sep theih nadingun Lai Siangtho pen Pasianʼ lamlahna tawh a hong kipia hi a, thuman thutak hilh nading, a khialte taii nading, a man lote a manin puah nading, a manin nuntak theih nading thuhilh nadingin a manpha mahmah ahi hi.