2 KUMPI NIHNATE 8:12 - Tedim Bible Revision 2017

¹² Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amauʼ mun muanhuaite mei tawh na hal dinga, namsau tawh amauʼ tangvalte thatin, amauʼ naupang neute lei na den khap nadinga, naupaii amauʼ numeite na phel kham ding hi,” a ci hi.

Tedim Bible

¹² Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi; nangmah in amau’ mun muanhuainate mei tawh na hal ding a, namsau tawh amau’ tangvalte thatin, amau’ naupang neute lei na den’ khap nading a, naupaai amau’ numeite na phelkham ding hi,” a ci hi.

2 KUMPI NIHNATE 8:12 Referans Kwoze

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Nahum 3:10

Tua bang hi napi-in, Thebes khua mite kipua khia-in sal a suak uh hi. Kong lak mun citeng ah a tate uh kisatlum hi. A mi liante, sikkol kibulhin kipua khia a, amau a man a galte un amaute a hawm uh hi.

2 KUMPI NIHNATE 15:16

Tua hun laitakin Menahem in Tappuah le a sunga teeng khempeuh le Tirzah pan a kipan a gam sungteng a luh hi. Bang hang hiam cih leh amaute in ama adingin a kongpite uh hong lo uh hi. Tua ahih ciangin amah in luhin, a sunga om numei naupaii khempeuh a phel kham hi.

2 KUMPI NIHNATE 13:3

Tua ciangin Israel-te tungah Topa heh a, amah in Syria kumpipa Hazaelʼ khut sung le Hazaelʼ tapa Benhadadʼ khut sungah amaute pia tawntung hi.

2 KUMPI NIHNATE 12:17

Tua hun laitakin Syria kumpipa Hazael kuan to-in Gath simin a la hi. Ahih hangin Hazael in Jerusalem simin a pai to dingin a mai a ngat ciangin,

Amos 1:13

Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Isaiah 13:16

Amauʼ muhna mahah a naungekte uh leilak kiden gawp nading hi. Amauteʼ inn kiluhin, a zite uh kibuansak ding hi.

2 KUMPI NIHNATE 13:7

Bang hang hiam cih leh Jehoahaz adingin galkap sakol tung tuang sawm nga le leeng sawm le khe galkap tul sawm bang bek om lai hi. Bang hang hiam cih leh Syria kumpipa in amaute susia-in leivui bangin amaute a bawl hi.

Hosea 10:14

gal in na mite uh hong sim dinga, na kulh muanhuaite uh kisusia ding hi. Kumpi Shalman in a galsimna ah Beth-arbel khua su gawpin, nupite le a tate leilak denna-in a sih mangsak hun lai mah a bang ding hi.

Isaiah 13:18

Amauʼ thalte in tangvalte that ding hi. Amaute in gil sung pan a piang naungekte hehpih lo ding uh hi. Amauteʼ mit in naupangte khasiat lo ding hi.

2 KUMPI NIHNATE 4:28

Tua ciangin tua nu in, “Ka topaʼ tung pan tapa hong ngen ka hi hiam? Kei hong khem kei in, hong ci hi lo ka hi hiam?” a ci hi.

1 KUMPI MASATE 18:13

Jezebel in Topaʼ kamsangte a thah lai-in Topaʼ kamsangte mi za khat, sawm nga sawm nga-in leihawm sungah seelin, amaute anletui tawh ka vakna thu ka topa tungah hong kigen nai lo ahi hiam?

1 KUMPI MASATE 19:17

Jehu in Hazaelʼ namsau panin a suakta peuhpeuh that ding hi. Elisha in Jehuʼ namsau panin a suakta peuhpeuh that ding hi.

2 KUMPI NIHNATE 13:22

Tu-in Syria kumpipa Hazael in Jehoahazʼ hunsung khempeuh Israel mite nengniam hi.

2 KUMPI NIHNATE 12:18

Judah kumpi Joash in Judah kumpite ahi ama hun ma-a sem Jehoshafat, Jehoram le Ahaziah-teʼ ap sa thuciam piakna letsongte khempeuh le ama thuciam piakna letsongte le Topaʼ biakinn le kumpipaʼ sum koihnate ah a om kham khempeuh la-in Syria kumpipa Hazael kiangah a puak hi. Tua ciangin Jerusalem panin Hazael a paikhia hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.