2 KUMPI NIHNATE 8:10 - Tedim Bible Revision 2017

¹⁰ Tua ciangin Elisha in ama kiangah, “Pai in; ama kiangah gen in, ‘Na damkik taktak ding hi,’ va ci in. Ahi zongin amah a sih taktak nading thu Topa in kei kiangah hong lak khin hi,” a ci hi.

Tedim Bible

¹⁰ Tua ciangin Elisha in ama kiangah, “Pai in, ama kiangah gen in, ‘Na damkik taktak ding hi,’ ci in; ahih hangin Topa in amah a sih taktak ding kei kiangah hong lakkhin hi,” a ci hi.

2 KUMPI NIHNATE 8:10 Referans Kwoze

Mangmuhna 22:1

Tua ciangin vantungmi in Pasian le Tuuno tokhom panin a hong luang khia, kristal suangmanpha bangin a tee selsel gun tui hong lak a,

Zekhariah 1:20

Tua ciangin Topa in sek tawi mihing li hong lak hi.

Amos 8:1

Topa in hih bangin hong musak hi: Seeng sunga kikoih singgah min ka mu hi.

Amos 7:7

Tua ciangin Topa in hih bangin hong musak hi: Khaukhai zangin a kiciang kulh gei khat ah, Topa a ding ka mu a, a khut sungah khaukhai khat a tawi hi.

Amos 7:4

Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keu tumsakin leitung zong a hal tum dingin a hong kipan hi.

Amos 7:1

Topa Pasian in hih bangin hong musak hi: Kumpipaʼ gan an ding lopa a ki-at khit phet, selkik dingin a kisak laitakin Topa in kauphe honpi a piangsak hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Ezekiel 18:13

A meet lunggulhna-in sum leitawi pia a, a meet zong a kilawm loin tampi tak la hi. Hih bang mipa nungta ding ahi hiam? Nungta het lo ding hi. Hih bangin a mindai huaite khempeuh gamta ahih manin tuateʼ hangin amah si ding hi. Ama sihna pen ama mawhna hang ahi hi.

Ezekiel 11:25

Topa in kei hong muhsak sa thute khempeuh, salin a om mite kiangah ka gen hi.

Jeremiah 38:21

Ahih hangin na lut nop kei leh, Topa in ka maangmuhna sungah hih bangin hong lak hi:

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baal-zebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkik zo nawn kei dinga, na si taktak ding hi,’ ci hi,” a ci hi.

2 KUMPI NIHNATE 1:4

Tua ahih ciangin Topa in hih bangin ci hi: ‘Nang pen tu-a na liamna panin na damkik zo nawn kei dinga, na si taktak ding hi, ci hi,’ ci in,” a ci hi. Tua ahih ciangin Elijah zong pai-in a gen hi.

1 KUMPI MASATE 22:15

Kumpipa kiangah amah a tun ciangin kumpipa in ama kiangah, “Mikaiah aw, Ramoth-gilead ah galsim dingin i kuan ding hiam, ahih kei le i thuak ding hiam?” a ci hi. Tua ciangin amah in dawngin, “Kuan to inla va gualzo ve. Topa in kumpipaʼ khut sungah hong pia ding hi ven,” a ci hi.

Piancilna 41:39

Tua ahih ciangin Faro in Josef kiangah, “Pasian in hihte khempeuh nang hong lak khin ahih manin, nang bangin thu ngaihsun siam le a pil midang om lo hi.

Piancilna 2:17

Ahih hangin a pha le a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi.