2 KUMPI NIHNATE 4:25 - Tedim Bible Revision 2017

²⁵ Tua ahih ciangin amah ding khia a, Karmel Mual a, Pasianʼ mipa kiangah a pai hi. Pasianʼ mipa in amah hong pai a muh ciangin a nasem pa Gehazi kiangah, “En in, galah Shunem nu hong pai hi.

Tedim Bible

²⁵ Tua ahih ciangin amah dingkhia a, Karmel Mual-a Pasian’ mipa kiangah pai hi. Pasian’ mipa in amah hong pai a muh ciangin a nasempa Gehazi kiangah, “En in, gal-ah Shunem nu hong pai hi;

2 KUMPI NIHNATE 4:25 Referans Kwoze

2 KUMPI NIHNATE 2:25

Tua lai panin amah Karmel Mual ah paisuak a, tua ciangin Samaria ah a ciahkik hi.

Isaiah 35:2

tampi takin palh khia dinga, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasianʼ liatna mu ding uh hi.

1 KUMPI MASATE 18:42

Tua ahih ciangin an ne tui dawn dingin Ahab pai to hi. Karmel Mual dawnah Elijah pai to a, a mahmah leilak ah kun sukin a khukte kikalah a maitang a phum hi.

1 KUMPI MASATE 18:19

Tua ahih ciangin tu-in mi sawl inla, Karmel Mual kei kiangah Israel-te khempeuh le Jezebelʼ sabuai ah an a ne Baal kamsang za li le sawm nga le Asherah kamsang za lite hong khawm in,” a ci hi.

2 KUMPI NIHNATE 4:24

Tua ciangin amah inla van vawhin a nasem pa kiangah, “Gan nawh in; kong gen kei nakleh kei adingin a pai khiamsak kei in,” a ci hi.

2 KUMPI NIHNATE 4:26

Amah a dawn dingin thakhatin va tai inla ama kiangah, ‘Na dam hiam? Na pasal a dam hiam? Naupang a dam hiam?’ va ci in,” a ci hi. Tua ciangin tua nu in, “Hoih hi,” a ci hi.

2 KUMPI NIHNATE 4:27

Tua ciangin Pasianʼ mipa kiang mual tungah tua nu a tun ciangin tua nu in ama khe len hi. Tua ciangin amah a sawn khia dingin Gehazi hong pai hi. Ahih hangin Pasianʼ mipa in, “Amah tua ci omsak in; bang hang hiam cih leh amah nakpi takin lungkham hi. Topa in kei tungah a thu hong im a, kei kiangah hong gen lo hi,” a ci hi.

2 KUMPI NIHNATE 1:9

Tua ciangin kumpipa in ama kiangah mihing sawm nga a ukpa a mihing sawm nga tawh a sawl hi. Mual dawn khat ah a tu Elijah kiangah amah pai to-in ama kiangah, “Pasianʼ mipa aw, kumpipa in, ‘Hong pai suk hen,’ ci hi,” a ci hi.

2 KUMPI NIHNATE 5:20

Pasianʼ mipa Elishaʼ nasem Gehazi in, “Ama hong puak nate sang loin ka topa in Syria mi hih Naaman ciahsak mawk hi. Topa a nungta ahih mah bangin, amah nungdelhin ama tung panin na khat peuhpeuh ka ngah ding hi,” a ci hi.

2 KUMPI NIHNATE 8:4

Tua laitakin Pasianʼ mipaʼ nasem Gehazi tawh kumpipa kiho a, “Elishaʼ sep sa na lian khempeuh hong gen in,” a ci hi.