2 KUMPI NIHNATE 4:2 - Tedim Bible Revision 2017

² Tua ciangin Elisha in tua numei kiangah, “Nang adingin bang hong hihsak thei ding ka hi hiam? Inn sungah bang nei na hi hiam?” a ci hi. Tua ciangin amah in, “Na nasem nu in sathau biing khat cih sim loh inn sungah bangmah dang nei lo hi,” a ci hi.

Tedim Bible

² Tua ciangin Elisha in tua numei kiangah, “Nang adingin bang hong hihsak ding ka hi hiam? Hong gen in; inn sungah bang nei na hi hiam?” a ci hi. Tua ciangin amah in, “Na nasemnu in sathau bing khat cih sim loh inn sungah bangmah nei lo hi,” a ci hi.

2 KUMPI NIHNATE 4:2 Referans Kwoze

1 KUMPI MASATE 17:12

Tua ciangin amah in, “Topa na Pasian a nungta ahih mah bangin em sa bangmah ka nei kei a, beel sungah annel khut dim khat le um sungah sathau tawmno khat bek om hi. Tu-in keimah le ka tapa adingin tuate bawlin kote in ka nek theih nadingun singkang nih khawng a tom ka hi a, tua ciangin a si ta ding ka hi uh hi,” a ci hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

2 KUMPI NIHNATE 2:9

Amaute a gal kah khit uh ciangin Elijah in Elisha kiangah, “Nang kiang panin kei hong kilakkhiat ma-in nang adingin kong hihsak ding na deih hong gen in,” a ci hi. Tua ciangin Elisha in, “Kong thum hi, kha thu ah na vangliatna a zah nih hong luahsak in,” a ci hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Mattiu 15:34

Jesu in, “Anlum bangzah nei na hi uh hiam?” a cih ciangin, “Lum sagih le ngasa neu tawm khat om hi,” a ci uh hi.

2 KUMPI NIHNATE 4:3

Tua ciangin amah in, “A pua ah paikhia inla, beel hawm a tawm lua lo, na veengte khempeuhʼ beel va kawm in.

Paikhiatna 4:2

Topa in ama kiangah, “Na khut sungah bang om ahi hiam?” a ci hi. Amah in, “Ciangkhut,” ci hi.