2 KUMPI NIHNATE 19:4 - Tedim Bible Revision 2017

⁴ Ama topa ahi Assiria kumpipa in a nungta Pasian a zahko dingin a sawl a ulian paʼ kammalte khempeuh Topa na Pasian in za-in, Topa na Pasian in a zak sa thute nial khin kha ding hi. Tua ahih ciangin a om lai mite adingin thu ngen in,’ ci hi,” a ci uh hi.

Tedim Bible

⁴ Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

2 KUMPI NIHNATE 19:4 Referans Kwoze

2 SAMUEL NIHNA 16:12

Topa in ka thuakna hong enin, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak dinga, tuuhonpi bangin Israel mite ka tamsak ding hi.

Joshua 14:12

Tua ahih ciangin tu-in tua ni-a Topaʼ gen hih mual tung gam kei hong pia in. Anak mite a muanhuai mahmah khuapi sungah a omna thu tua hun lai-in kong gen uh hi. Topa in kei hong ompih dinga, Topaʼ cih mah bangin amaute ka hawl khia zo kha ding hi,” a ci hi.

Jeremiah 33:3

Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.

Isaiah 10:6

Keima thu a ngaihsun lo minam le kei a hong hehsak miteʼ neihsa sutin laksakin, amaute pen kong lak buannawng bangin a tuancil dingin amaute sawlin thu ka pia hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Late 74:18

Topa aw, galte in nang hong thusim lohna le, dawibia mite in nangma min a hong simmawhna hong phawk ta in.

Late 50:21

Hihte khempeuh na gamta khin uh a, bangmah ka pau kei hi. Kei pen no tawh a kibangin nong ngaihsun kha uh hi. Ahih hangin tu-in note ka hong taii a, na mawhna uh na mai uh ah ka koih hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

2 KHANG TANGTHU NIHNATE 32:20

Tua ciangin kumpipa Hezekiah le Amozʼ tapa, kamsang Isaiah in hih thu hangin thu ngenin vantung lamah kiko uh hi.

2 KUMPI NIHNATE 19:22

Kua zahko-in, a simmawh na hi hiam? Kua langpangin na aw sangsakin kihihsakna tawh gamta na hi hiam? Israel-teʼ a Siangtho pa, a simmawh na hi hi.

2 KUMPI NIHNATE 18:13

Kumpi Hezekiahʼ kum sawm le kum lina kumin Assiria kumpi Sennakherib, Judah khuapi kulh a neite khempeuh a sim dingin hong kuan to-in tuate a la hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi le teikhawh tawh kei kiangah nang nong kuan hi. Ahih hangin kei pen Israel galkapteʼ Pasian, a Vanglian Topa, nangmah in na to mipaʼ min tawh nang kiangah kong kuan hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite adingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Piancilna 22:14

Tua ahih ciangin Abraham in tua mun pen, “Topa in hong sik hi,” ci-in min phuak a, tu ni dongin Topaʼ mual tungah hong kisik hi, a kici hi.

ROM (Romans) 11:5

Tua mah bangin tuhunin zong Pasian in ama hehpihna tawh a teel sa mi tawm khat om lai hi.

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

2 KUMPI NIHNATE 19:3

Amaute in ama kiangah, “Hezekiah in hih bangin ci hi: ‘Tu ni pen lungkham ni, hong kitai ni, mindai ni ahi hi. Naungekte a suah hun tunga, amaute hinkhiat nading thatang om lo hi.

2 KUMPI NIHNATE 19:5

Kumpi Hezekiahʼ nasemte Isaiah kiang hong tun uh ciangin

2 KUMPI NIHNATE 19:16

Topa aw, na bil hong ngat inla hong za in. Topa aw, na mitte hak inla hong mu in. Tua ciangin a nungta Pasian a zahko nadingin a hong khak Sennakheribʼ thute za in.

2 KUMPI NIHNATE 19:30

Tua ciangin Judah gam sungah a suakta a omlaite in singkung bangin a thuk lamah zungkha kikin a tung lamah gah hong gah to ding hi;

Jeremiah 23:36

‘Topaʼ thugen pen van gik khat ahi hi,’ ci-in na gen nawn kei ding uh hi. Bang hang hiam cih leh noteʼ thugente, noteʼ van gik ahi zaw hi. Note in eiteʼ Pasian ahi a nungta Pasian, Vanglian Topaʼ thugennate na lumlet gawp uh hi.

Jeremiah 42:9

“Na deihna uh kong thumsak nadingin nong sawlna uh Topa, Israel miteʼ Pasian in a hong genin ah:

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin noteʼ mai panin Kanaan mite, Hit mite, Hiv mite, Perez mite, Girgash mite, Amor mite le Jebus mite hawl khia ding hi.

1 SAMUEL MASA 17:10

Tua ciangin tua Filistia mipa in, “Tu ni-in Israel uliante kong to hi. I kido theih nadingin mi khat hong pia un,” ci thuah lai hi.

2 KUMPI NIHNATE 19:23

Na kamtaite tawh Topa na zahko a, nangmah in, ‘Ka leeng tampite tawh mual sang pen munah ka pai khin a, Lebanon gam tawng pek dong ka tung khin hi. A taamtak sang pente ka phuk mangkhin a, a taaksan hoih pente zong ka phuk mangkhin hi. A gam tawngnung pen dongah keimah ka lut a, a tulak thuk pen dongah zong ka lut khin hi.

2 KUMPI NIHNATE 19:31

bang hang hiam cih leh a omlaite Jerusalem panin hong paikhia dinga, a suakta khat Zion Mual panin hong paikhia ding hi. Topaʼ deih luatna in hih thu hong tungsak ding hi.