2 KUMPI NIHNATE 1:4 - Tedim Bible Revision 2017

⁴ Tua ahih ciangin Topa in hih bangin ci hi: ‘Nang pen tu-a na liamna panin na damkik zo nawn kei dinga, na si taktak ding hi, ci hi,’ ci in,” a ci hi. Tua ahih ciangin Elijah zong pai-in a gen hi.

Tedim Bible

⁴ Tua ahih ciangin tu-in Topa in hih bangin ci hi: ‘Nang in tu-a na lupna panin na thokik nawn kei ding hi; nang na si taktak ding hi,’ ci hi,” a ci hi. Tua ahih ciangin Elijah pai hi.

2 KUMPI NIHNATE 1:4 Referans Kwoze

Ezekiel 18:4

Mi khempeuh keima aʼ hi a, pate ahi a, tate ahi zongin keima-aʼ ahi hi. A mawh mipa bek si ding hi.

Piancilna 3:4

Ahih hangin gulpi in numei kiangah, “Na si kei ding uh hi.

Piancilna 2:17

Ahih hangin a pha le a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi.

Paunak 11:19

Thumanin gamtat ding a hanciamte nungta dinga, a sia-in a gamta teiteite si ding uh hi.

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baal-zebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkik zo nawn kei dinga, na si taktak ding hi,’ ci hi,” a ci hi.

1 SAMUEL MASA 28:19

Tua tham loin Topa in Israel mite zong nang tawh Filistia-teʼ khut sungah hong pia khawm ding hi. Zing ciangin nang le na tapate in zong kei kiang nong zuan ding uh hi. Topa in Israel galkapte zong Filistia-teʼ khut sungah pia ding hi,” a ci hi.

Paunak 14:32

Migilo pa ama tatsiatna in puksak a, mihoih pa ama hoih tatna in hu hi.

2 KUMPI NIHNATE 1:6

Tua ciangin amaute in ama kiangah, “Kote a dawn dingin mi khat hong pai-in kote kiangah, ‘Note hong sawl kumpipa kiangah paikik unla, Topa in hih bangin ci hi: Ekron pasian, Baal-zebub kiangah thu a dong dingin mi na sawl nadingin Israel sungah Pasian om nawn lo ahi hiam? Tua ahih ciangin tu-a na liamna panin na damkik zo nawn kei dinga, na si taktak ding hi,’ hong ci hi,” a ci uh hi.

1 KUMPI MASATE 14:12

“Tua ahih ciangin ding inla na inn ah ciah in. Na khua na tun ciangin na tapa si ding hi.

Gamlak-vakna 26:65

Bang hang hiam cih leh Topa in amauteʼ thu a genna ah, “Amaute gamlak ah si ding uh hi,” a ci hi. Jefunnehʼ tapa Kaleb le Nunʼ tapa Joshua lobuang amaute khat beek om nawn lo hi.

2 KUMPI NIHNATE 1:5

Kamtaite zong kumpipa kiangah hong ciahkik uh a, amah in amaute kiangah, “Bang hangin hong ciahkik na hi uh hiam?” na ci hi.

1 KUMPI MASATE 18:2

Tua ahih ciangin Ahab kiangah amah a kilaktawm dingin Elijah a pai hi. Tu-in Samaria ah kialpi nasia hi.

2 KUMPI NIHNATE 8:10

Tua ciangin Elisha in ama kiangah, “Pai in; ama kiangah gen in, ‘Na damkik taktak ding hi,’ va ci in. Ahi zongin amah a sih taktak nading thu Topa in kei kiangah hong lak khin hi,” a ci hi.

2 KUMPI NIHNATE 20:1

Tua hun laitakin Hezekiah cina-in si dektak hi. Tua ciangin Amozʼ tapa kamsang Isaiah hong pai-in ama kiangah, “Topa in hih bangin ci hi: ‘Na innkuan vai ding hawm in; bang hang hiam cih leh nang na si ding hi; na damkik zo kei ding hi,’ ci hi,” a ci hi.