2 KUMPI NIHNATE 1:12 - Tedim Bible Revision 2017

¹² Ahih hangin Elijah in amaute dawngin, “Kei pen Pasianʼ mi khat ka hih leh, vantung panin meikuang hong pai suk henla, nang le na mihing sawm ngate hong kaang tum hen,” a ci hi. Tua ciangin vantung panin Pasianʼ meikuang hong pai sukin amah le a mihing sawm ngate a kaang tum leuleu hi.

Tedim Bible

¹² Ahih hangin Elijah in amaute dawngin, “Keimah in Pasian’ mi khat ka hih leh, vantung panin meikuang hong paisuk hen la, nang leh na mihing sawmngate hong kangtum hen,” a ci hi. Tua ciangin vantung panin Pasian’ meikuang hong paisukin amah leh a mihing sawmngate kangtum hi.

2 KUMPI NIHNATE 1:12 Referans Kwoze

1 KUMPI MASATE 18:38

Tua ciangin Topaʼ meikuang hong kia a, a meihal biakna, a sing, a suangte le a leivui kangtumin, hawklam sunga om tui nangawn kangcip hi.

2 KUMPI NIHNATE 1:11

Tua ciangin kumpipa in ama kiangah mihing sawm nga a uk a dang khat a mihing sawm nga mah tawh sawlkik hi. Tua ciangin amah pai to-in ama kiangah, “Pasianʼ mipa aw, kumpipaʼ thupiakna hih bang ahi hi: ‘Manlang takin hong pai suk in,’ cihna ahi hi,” a ci hi.

2 KUMPI NIHNATE 1:13

Tua ciangin kumpipa in mihing sawm nga a uk a thumna pa a mihing sawm nga mah tawh sawl leuleu hi. Tua ciangin mihing sawm nga a uk a thumna pa pai to a, Elijahʼ mai ah hong pai-in khukdinin hong puk a, amah kunh-in, “Pasianʼ mipa aw, nangma tungah kong thum hi, keima nuntakna le nangma nasem hih mihing sawm ngateʼ nuntakna pammaih sa-in hong hehpih in.

Siampi Laibu 10:2

Topaʼ omna mun panin mei hong pai khia-in amaute kaang a, Topaʼ mai ah a si uh hi.

JOB (Job) 1:16

Amah in a thugen a khit ma-in kamtai dang khat hong tungin, “Vantung panin keek hong kia a, tuute le tuucingte kha-in kaang tum uh hi. Hih thu nang kiangah a hong ko thei dingin kei bek kong suakta hi,” a ci hi.