2 KHANG TANGTHU NIHNATE 7:3 - Tedim Bible Revision 2017

³ Israel mite khempeuh in meikuang hong pai sukin Topaʼ minthanna vang biakinn tungah a om a muh uh ciangin suangphah tungah lei lam maingatin kun uh a, Pasian bia-in Topaʼ tungah lungdamna ko-in, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

Tedim Bible

³ Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

2 KHANG TANGTHU NIHNATE 7:3 Referans Kwoze

2 KHANG TANGTHU NIHNATE 5:13

Aw kikhatin phatin Topaʼ tungah lungdam koh ding pen peengkul tumte le lasateʼ nasep ahi hi) peengkulte le daltuahte le a dang lasaknate tawh, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” ci-in Topa phatna-in la a kisak ciangin, Topaʼ biakinn sung meii tawh kidim a,

2 KHANG TANGTHU NIHNATE 20:21

Amah in mite tawh thu kikupna a neih khit ciangin, galkapte mai ah amaute a pai kawmin, “Topa tungah lungdamna ko un; bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte a seh hi.

Luka 1:50

amah a zahtak mite tungah a khangkhangin hehpihna a lak hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

Paikhiatna 4:31

Mite in um uh hi. Israel mite kiangah Topa hawhin, amauʼ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Jeremiah 33:11

Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

Late 103:17

Ahih hangin Topaʼ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khangkhangin a kip tawntung hi.

Late 95:6

Hong pai un, amah bia-in kun ni. Eite hong Bawl Topaʼ mai ah khukdin ni.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

1 KHANG TANGTHU MASATE 16:41

Tuateʼ banah amaute tawh Heman le Jeduthun zong om a, ama itna kip kho tawntung ahih manin Topaʼ tungah lungdamna a ko dingin a kiteel, a minin a kilo khia midang om lai hi.

1 KUMPI MASATE 18:39

Mi khempeuh in tua thu a muh uh ciangin a mai uh lei lam ngatin puk uh hi. Amaute in, “Topa pen Pasian ahi hi; Topa pen Pasian ahi hi,” a ci uh hi.

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Gamlak-vakna 14:5

Tua ciangin Israel mihon kikhawmte khempeuhʼ mai ah Moses le Aaron bok suk uh hi.

Siampi Laibu 9:24

Topaʼ mai panin mei hong piang khia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kun suk uh hi.

1 KHANG TANGTHU MASATE 16:34

Amah hoih ahih manin Topaʼ tungah lungdamna ko un; bang hang hiam cih leh ama itna kip a tawntungin a kho hi!

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khangkhangin kip hi.

Late 106:1

Topa phat un. Topaʼ tungah lungdam ko un; bang hang hiam cih leh amah hoih a, ama itna kip tawntung hi.

Late 107:1

“Topa tungah lungdam ko un; bang hang hiam cih leh amah hoih a, ama itna kip tawntung!”

Late 118:1

Topa tungah lungdamna ko un. Bang hang hiam cih leh amah hoih a, ama itna kip tawntung hi.

2 KHANG TANGTHU NIHNATE 20:18

Tua ciangin Jehoshafat in a maitang lei lam ngatin kun a, Judah gam le Jerusalem-a a teeng mite khempeuh zong Topaʼ mai ah pukin Topa a bia uh hi.

2 KHANG TANGTHU NIHNATE 29:28

A kikhawm khempeuh in Pasian bia-in, lasate in la sa uh a, peengkul tumte in peengkul tum uh hi. Meihal biakna a kiman mateng hihte khempeuh hih paisuak uh hi.

2 KHANG TANGTHU NIHNATE 29:29

Biakpiakna a kiman ciangin kumpipa le amah tawh a om khempeuhte kunin Pasian a bia uh hi.

2 KHANG TANGTHU NIHNATE 29:30

Tua ciangin Davidʼ kammalte le thumu pa Asafʼ kammalte zangin Topaʼ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.