2 KHANG TANGTHU NIHNATE 7:1 - Tedim Bible Revision 2017

¹ Solomon a thunget a tawp ciangin, vantung panin meikuang hong pai sukin meihal biakna le biakpiaknate kaang tum a, tua ciangin Topaʼ minthanna vang biakinn sung hong dim hi.

Tedim Bible

¹ Solomon a thunget a tawp ciangin, vantung panin meikuang hong pai sukin meihal biakna leh biak piaknate haltum a, tua ciangin Topa’ minthan’na in biakinn hong dim hi.

2 KHANG TANGTHU NIHNATE 7:1 Referans Kwoze

1 KUMPI MASATE 18:38

Tua ciangin Topaʼ meikuang hong kia a, a meihal biakna, a sing, a suangte le a leivui kangtumin, hawklam sunga om tui nangawn kangcip hi.

1 KHANG TANGTHU MASATE 21:26

Tua ciangin David in tua lai ah Topa adingin biakna tau khat lamin meihal biaknate le thunuam a biakna te bawlin Topaʼ tungah thu ngen a, tua ciangin amah in a thungetna a piakna-in a meihal biakna a hal dingin vantung panin meikuang a pia suk hi.

1 KUMPI MASATE 18:24

Tua ciangin note in na pasian tung uh ah thu ngen unla, keimah in zong Topaʼ tungah thu ka ngen ding hi. Tua ciangin thungetna mei tawh hong pia pasian pen Pasian taktak ahi hi,” a ci hi. Tua ciangin mi khempeuh in dawngin, “Hih na thugen hoih hi,” a ci uh hi.

Ezekiel 44:4

Tua ciangin a mipa in leilu lam kongpi tawnin biakinn mai ah hong paipih a, ka khuadak leh, Topaʼ biakinn sung khempeuh ama minthanna vang tawh na kidim hi. Kei zong leilak kidenna-in ka bok suk hi.

Ezekiel 43:5

Tua ciangin Topaʼ kha in hong la-in a tual sung nungah hong paipih a, tua lai panin, Topaʼ minthanna vang tawh biakinn sung a kidimna ka mu hi.

Piancilna 15:17

Ni tumin khua a mial khit ciangin, en in, hih sate kikalah mei beel khu le a kuang meivak a pai hi.

Thukhente 6:21

Tua ciangin Topaʼ vantungmi in a khut sung a om ciangkhut dawn dawksakin, sa le silngo sawh loh mohte a su hi. A suang panin mei piang khia-in, sa le silngo sawh loh moh a kaang tum hi. Tua ciangin ama muhna panin Topaʼ vantungmi a mang hi.

Mangmuhna 21:23

Pasianʼ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Paikhiatna 29:43

Tua lai ah Israel mite tawh ka kituah dinga, keima vang in tua mun siangthosak ding hi.

Paikhiatna 19:18

Meikhu in Sinai Mual tuamcip hi. Bang hang hiam cih leh mei sung tua mual tungah Topa a kum suk hi. A khu, meiphual pi khu bangin kah to a, a mual buppi nakpi takin kiliing hi.

Malakhi 3:4

Tua ciangin Judah mite le Jerusalem miteʼ piak biaknate pen nidang a te mah bangin Topaʼ mai ah a lungkimhuai hi ding hi.

1 KUMPI MASATE 9:1

Solomon in Topaʼ biakinn le kumpi inn le a lam nop khempeuh a lam a man khit ciangin,

Late 26:8

Topa aw, nangma inn-a ten ding le na minthang a omna munah om ding ka ut hi.