2 KHANG TANGTHU NIHNATE 5:2 - Tedim Bible Revision 2017

² Tua ciangin Zion a kici David khuapi sung panin Topaʼ Thuciamna Singkuang a paipih to dingin Kumpi Solomon in Israel upate, minam lutang khempeuh le Israel beh makaite, Jerusalem ah kaikhawm hi.

Tedim Bible

² Tua ciangin Zion a kici David khuapi sung panin Topa’ thuciamna singkuang a paipih to dingin Solomon in Israel upate, minam lutang khempeuh, leh Israel beh makaite, Jerusalem ah kaikhawm hi.

2 KHANG TANGTHU NIHNATE 5:2 Referans Kwoze

2 SAMUEL NIHNA 6:12

Tua ciangin Kumpi David kiangah, “Pasianʼ Thuciamna Singkuang hangin Topa in Obededom innkuan le ama neih khempeuh thupha pia hi,” ci-in kigen hi. Tua ahih ciangin David pai-in Obededomʼ inn panin David khuapi ah lungdamna tawh Pasianʼ Thuciamna Singkuang paipih to hi.

2 KHANG TANGTHU NIHNATE 1:4

(Ahih hangin David in Kiriath-jearim panin ama adingin a bawlsak na sa munah Pasianʼ Thuciamna Singkuang paipih to khin hi; bang hang hiam cih leh amah in Jerusalem ah ama adingin puanbuk khat lamsak khin hi.)

Late 87:2

Topa in Israel gam mun dang khempeuhte sangin Zion kulh kongpi it zaw hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

2 KHANG TANGTHU NIHNATE 5:12

Tua ciangin Levi mi lasate Asaf, Heman le Jeduthun, amauʼ tapate le a behte, saihadial puan tawh kizemin, daltuahte, harp lasaknate le laiza lasaknate tawi-in peengkul tum siampite za le sawm nih tawh biakna tau nisuahna lamah ding khawm uh hi.

2 KHANG TANGTHU NIHNATE 5:1

Tua bangin Topaʼ biakinn ding a hih nasep khempeuh kizo hi. Tua ciangin a pa David in a ap sa nate Solomon in paipihin, Pasianʼ biakinn sung van manpha koihnate sungah a ngunte, a khamte le umlebeel khempeuh a seng hi.

1 KHANG TANGTHU MASATE 28:1

David in Jerusalem-a Israel-te lakah zaneite, minamte sungah zaneite, kumpipaʼ na a sem a khente sungah uliante, a tultul a a ukte, a zaza-a a ukte, neihsa khempeuh le kumpipaʼ ganhingte le a tapate a kemte pen, kumpi inn-a zaneite, a thahat mite le gal a hang tawntungte khempeuh tawh a khawm hi.

1 KHANG TANGTHU MASATE 26:26

Hih Shelomith le a sanggamte in, Kumpi David, beh lutangte le a tultul le a zaza-a uk uliante le galkap a ukte in a ap uh ahi, a ki-ap letsongte a kikoihna khempeuh uk uh hi.

1 KHANG TANGTHU MASATE 24:31

Hihte in zong a behte uh ahi Aaronʼ suante mah bangin Kumpi David, Zadok, Ahimelek, siampite le Levi mi beh lutangteʼ muhna ah beh lutangte le a nau pasalte khat ciat in a kibangin aisanna tawh nasep tavuan a la uh hi.

1 KHANG TANGTHU MASATE 24:6

Tua ciangin Levi mi Nethanelʼ tapa ahi lai-at pa Shemaiah in kumpipa, uliante, siampi Zadok, Abiatharʼ tapa Ahimelek, siampite le Levi mi beh lutangteʼ omna ah amaute ciamteh hi. Eleazarʼ suante-aʼ dingin khat kiteelin, tua ciangin Ithamarʼ suante adingin khat kiteel a, kilaihsak niloh uh hi.

1 KHANG TANGTHU MASATE 16:1

Tua ciangin amaute in Pasianʼ Thuciamna Singkuang hong tumpih uh a, David in ama adingin a lamsak puanbuk sungah koih uh hi. Tua ciangin amaute in meihal biaknate le thunuam a biakna te Pasianʼ mai ah pia uh hi.

1 KHANG TANGTHU MASATE 15:25

Tua ahih ciangin David le Israel upate le a tul-a a ukte, Obededomʼ inn panin lungdamna tawh Topaʼ Thuciamna Singkuang a paipih to dingin a pai uh hi.

1 KHANG TANGTHU MASATE 15:12

amaute kiangah, “Note pen Levi mite beh lutangte na hi uh hi. Ama adingin ka bawlsakna munah Israel Pasian, Topaʼ Thuciamna Singkuang na paipih toh theih nadingun note le na Levi mipihte uh nomau mah kisiansuah tawm un.

2 SAMUEL NIHNA 5:7

Ahi zongin David in kumpipaʼ khua ahi Zion mun muanhuai la hi.

Gamlak-vakna 10:36

A khawl ciangin, “Topa aw, Israel tul sawm tampiteʼ kiangah hong ciahkik in,” a ci hi.

Gamlak-vakna 10:33

Tua ciangin Topaʼ mual panin amaute ding khia-in ni thum lam a pai uh hi. A tawlngak nading mun uh a zonsak dingin Topaʼ Thuciamna Singkuang, amauʼ mai ni thum lam na pai khol hi.

Siampi Laibu 9:5

Amaute in zong kikhopna buk mai ah Mosesʼ thupiak teng hong paipih uh a, mihonpite khempeuh a nai ah hong pai-in Topaʼ mai ah ding uh hi.

1 KHANG TANGTHU MASATE 15:1

David in ama adingin David khuapi sungah innte a lam hi. Amah in Pasianʼ Thuciamna Singkuang adingin mun khat bawlin puanbuk khat lamsak hi.

1 KHANG TANGTHU MASATE 15:3

Tua ciangin amah in a bawl sa, ama om nading munah Topaʼ Thuciamna Singkuang a paipih to dingin David in Jerusalem ah Israel mi khempeuh a khawm hi.