2 KHANG TANGTHU NIHNATE 5:11 - Tedim Bible Revision 2017

¹¹ Siangtho mun panin siampite hong pusuakin (bang hang hiam cih leh amauʼ pawlte cih tuam om loin tua lai-a om siampite khempeuh amau mahmah kisiansuah uh hi.

Tedim Bible

¹¹ Siangtho mun panin siampite hong pusuakin (bang hang hiam cih leh amau’ pawlte cih tuam om loin tua lai-a om siampite khempeuh amau mahmah kisian’suah uh hi;

2 KHANG TANGTHU NIHNATE 5:11 Referans Kwoze

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Tu-a bangin Job in hih tawntung hi.

2 KHANG TANGTHU NIHNATE 35:4

Note a khenkhenin na beh uh tawh kizui-in kithawi unla, Israel kumpipa Davidʼ lamlahna le a tapa Solomonʼ lamlahna zui un.

2 KHANG TANGTHU NIHNATE 29:5

amaute kiangah, “Levi mite aw, ka thugen hong za un! Tu ni-in nomau kisiansuah unla, na pu na pate uh Pasian, Topaʼ biakinn siangthosakin a ninsak thei na khempeuh siangtho mun panin nawn khia un.

2 KHANG TANGTHU NIHNATE 30:15

Tua ciangin amaute in a kha nihna a ni sawm le li ni-in Paisan Pawi tuuno go uh hi. Tua ciangin biakna vai-in a siangtho nai lo siampite le Levi mite nakpi takin maizum uh hi. Tua ahih ciangin amau mah kisiansuahin Topaʼ biakinn sungah meihal biaknate hong paipih uh hi.

2 KHANG TANGTHU NIHNATE 29:34

Ahih hangin siampite a mi tawm lua uh ahih manin meihal biaknate khempeuh a vun hawk khinzo lo uh a, siampi dangte a kisiansuah ma sungteng, a sanggam uh Levi mite in nasep a kizawh mateng amaute huh uh hi. Bang hang hiam cih leh kisiansuahna thu ah siampite sangin Levi mite ngentel zaw uh hi.

2 KHANG TANGTHU NIHNATE 29:15

Amaute in a sanggamte uh khawmin amau kisiansuah uh a, Topaʼ genna tawh kumpipaʼ thupiak bangin Topaʼ biakinn a puahsiang dingin a tum uh hi.

Paikhiatna 19:10

Topa in Moses kiangah, “Mite kiangah pai inla, tu ni le zing ciang sungteng amaute siangthosakin, amauʼ puante amau mah sawpsakin,

2 KHANG TANGTHU NIHNATE 5:12

Tua ciangin Levi mi lasate Asaf, Heman le Jeduthun, amauʼ tapate le a behte, saihadial puan tawh kizemin, daltuahte, harp lasaknate le laiza lasaknate tawi-in peengkul tum siampite za le sawm nih tawh biakna tau nisuahna lamah ding khawm uh hi.

1 KHANG TANGTHU MASATE 15:14

Tua ahih ciangin Israel Pasian, Topaʼ Thuciamna Singkuang a paipih to dingin siampite le Levi mite amau mah kisiansuah tawm uh hi.

2 KHANG TANGTHU NIHNATE 35:6

Tua ciangin Paisan Pawi bawlna ganhing go-in nomau mah kisiansuah unla, Mosesʼ tungtawnin Topaʼ thugen bangin na sanggamte uh adingin kithawi un,” a ci hi.