2 KHANG TANGTHU NIHNATE 30:3 - Tedim Bible Revision 2017

³ Siampite mi a kicing zah ding amau kisiansuah nai lo uh a, mite zong Jerusalem ah kikhawm nai lo uh ahih manin a hunin bawl thei lo uh hi.

Tedim Bible

³ siampite mi a kicingzah ding amau kisian’suah nai lo uh a, mite zong Jerusalem ah kikhawm nai lo uh ahih manin a hunin bawl thei lo uh hi—

2 KHANG TANGTHU NIHNATE 30:3 Referans Kwoze

2 KHANG TANGTHU NIHNATE 29:34

Ahih hangin siampite a mi tawm lua uh ahih manin meihal biaknate khempeuh a vun hawk khinzo lo uh a, siampi dangte a kisiansuah ma sungteng, a sanggam uh Levi mite in nasep a kizawh mateng amaute huh uh hi. Bang hang hiam cih leh kisiansuahna thu ah siampite sangin Levi mite ngentel zaw uh hi.

Paikhiatna 12:18

Kha masa, tua kha sawm le li nitakin note in silngo sawh loh anlum na ne ding uh a, tua kha ni sawm nih le khat nitak dong na ne ding uh hi.

Paikhiatna 12:6

Tua gannote pen Israel mihonte khempeuh in a gawh ding hun nitak khuamui, tua kha ni sawm le li dong na kem ding uh hi.

2 KHANG TANGTHU NIHNATE 29:17

Kha masa a ni masa ni-in amaute in siansuah ding kipan uh a, tua kha a ni giat ni-in Topaʼ inn liimah amaute hong pai uh hi. Tua ciangin amaute in ni giat sung Topaʼ biakinn siansuah uh a, a kha masa a ni sawm le guk ni-in zo uh hi.

2 KHANG TANGTHU NIHNATE 30:4

Hih geelna pen kumpipa le a kikhawm khempeuh adingin hoih leh kilawm hi.

2 KHANG TANGTHU NIHNATE 30:15

Tua ciangin amaute in a kha nihna a ni sawm le li ni-in Paisan Pawi tuuno go uh hi. Tua ciangin biakna vai-in a siangtho nai lo siampite le Levi mite nakpi takin maizum uh hi. Tua ahih ciangin amau mah kisiansuahin Topaʼ biakinn sungah meihal biaknate hong paipih uh hi.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tul khat le tuu tul sagih pia a, uliante in a kikhawmte tungah bawngtal tul khat le tuu tul sawm pia uh hi. Siampite tampi tak amau mah kisiansuah uh hi.

2 KHANG TANGTHU NIHNATE 35:6

Tua ciangin Paisan Pawi bawlna ganhing go-in nomau mah kisiansuah unla, Mosesʼ tungtawnin Topaʼ thugen bangin na sanggamte uh adingin kithawi un,” a ci hi.