2 KHANG TANGTHU NIHNATE 30:27 - Tedim Bible Revision 2017

²⁷ Tua ahih ciangin siampite le Levi mite dingin mite thupha pia uh a, amauʼ awging kiza-in, amauʼ thungetna in vantung a a siangtho ama teenna a ban to hi.

Tedim Bible

²⁷ Tua ciangin siampite leh Levi mite ding-in mite thupha pia uh a, amau’ awging kiza-in, amau’ thungetna in vantung a, a siangtho ama teen’na banto hi.

2 KHANG TANGTHU NIHNATE 30:27 Referans Kwoze

Late 68:5

Pa nei loteʼ pa le meigong numeite a hupa pen, a siangtho mahmah ama omna ah a om Pasian ahi hi.

Thu-hilhkikna 26:15

Vantung, nangma omna a siangtho panin hong en suk inla, koteʼ pu le pate tungah bawngnawi le khuaizu tui bangin a luanna gam na ciam mah bangin, nangma mi Israel-te le na hong piak sa leitang thupha hong pia in,’ na ci ding uh hi.

2 KHANG TANGTHU NIHNATE 23:18

Tua ciangin Jehoiada in Davidʼ hih ngei bangin, Moses thukham sungah a kigelh bangin lungdamna le lasakna tawh, Topaʼ tungah meihal biakna a pia ding, Topaʼ biakinn a en dingin David in a vaihawm sa Levi siampite le Levi miteʼ ukna nuai ah Topaʼ biakinn a vil galvilte a koih hi.

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Isaiah 63:15

A siangtho, a minthang, nangma omna vantung panin hong en suk inla hong mu in. Nangma deihsakna le na vangliatna koi ah om ta ahi hiam? Na lungsimʼ deihna le nangma hehpihna kote adingin maimang ta hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

1 KUMPI MASATE 8:39

na teenna vantung panin za-in maisak in. Tua ciangin amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

Thu-hilhkikna 10:8

Tua hun laitakin Topa in, tu ni dongin ama na a sem ding le ama min tawh thupha a pia dingin Topaʼ mai ah dingin, Topaʼ thuciamna singkuang a pua dingin Levi minamte a tuam koih hi.

Jonah 2:7

Kei ka lung a kiat ciangin Topa kong phawk a, ka thungetna, na biakinn siangtho sung, nangma kiang hong tung hi.

Paikhiatna 39:43

Moses in nasep khempeuh vel a, amaute in Topaʼ thupiak sa bangin a bawl khitna a mu hi. Tua ciangin Moses in amaute thupha a pia hi.

2 KHANG TANGTHU NIHNATE 6:21

Amaute in hih mun lam nga-in thu hong nget uh ciangin na nasem pa le na mi Israel-teʼ hong thumnate nangmah in ngai in. Na teenna mun vantung panin hong za takpi inla, na zak ciangin hong maisak in.