2 KHANG TANGTHU NIHNATE 29:6 - Tedim Bible Revision 2017

⁶ Bang hang hiam cih leh i pute i pate citak lo a, Topa i Pasianʼ muhna ah a sia gamta uh hi. Amaute in amah nusia-in, Topa i Pasianʼ muhna ah a sia gamta uh hi. Amaute in amah nusia-in, Topaʼ teenna panin a mai uh hei khia uh a, a nung uh ngat uh hi.

Tedim Bible

⁶ Bang hang hiam cih leh i pu i pate citak lo a, Topa i Pasian’ muhna ah a sia gamta uh hi; amaute in amah nusia-in, Topa’ teen’na panin a mai uh heikhia uh a, a nung uh ngat uh hi.

2 KHANG TANGTHU NIHNATE 29:6 Referans Kwoze

Ezekiel 8:16

Tua ciangin biakinn tual sung nungah hong paipih hi. Tua lai ah biakinn kongkhak gei, biakna taute le innliim kikal sanah mihing sawm nih le nga khawng na om a, biakna tau nungngatin nisuahna lam nga-in nisuak tung na bia uh hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uh a mite khempeuh in Jerusalem le na mite a hong simmawh uh hi.

Kah la 5:7

Ka pu ka pate un mawhna a bawl manun a si khin uh hi. Amauteʼ mawhna kote in ka thuak uh hi.

Jeremiah 44:21

“Judah gam khuapite le Jerusalem khua kongzing lakah note, na pute na pate uh, na kumpite uh le na kumpi uliante uh a kipan gam sung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 2:17

Israel aw, Topa na Pasian in lampi ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kip takin a len koteʼ Pasian aw, Assiria kumpiteʼ hun a kipan tu ni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

Nehemiah 9:16

“‘Ahi zongin koteʼ pute pate kihisakin lungkhauh uh a, na thupiaknate mang lo uh hi.

Ezra 9:7

Ka pu ka pate uh hun a kipanin tu hun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpiteʼ khut sungah sihna, salsuahna, neihsa kisuhna le maizumna thuak uh a, tuhunin zong tua bangmah ka thuak uh hi.

Ezra 5:12

Ahi zongin ka pu ka pate un vantung Pasian hehsak kha uh ahih manin Babylon kumpipa, Khaldea mi Nebukhadnezzarʼ khut sungah amaute pia hi. Tua kumpipa in hih biakinn susia a, a mite Babylon ah ciahpih hi.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima ading le Israel le Judah ah a om lai mite adingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topaʼ kammal na zui lo uh ahih manin eite tungah Topaʼ hehna lian hi,” a ci hi.

Nehemiah 1:6

Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Ezekiel 18:14

“Gentehna-in hih mihoih lopa in tapa khat hong nei hi. Tua a tapa in a paʼ gamtat hoih lohna teng mu a, a paʼ gamtat bangin gamta lo hi.

Nehemiah 9:34

Ka kumpite uh, ka uliante uh, ka siampite uh le ka pu ka pate un nangma thukham zui lo uh a, amaute tungah na piak ahi na thupiaknate le na hilh kholhnate zong don lo uh hi.