2 KHANG TANGTHU NIHNATE 28:3 - Tedim Bible Revision 2017

³ Tua ciangin Hinnomʼ tapaʼ kuamah paknamtui hal a, Topa in Israel-teʼ mai ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

Tedim Bible

³ tua ciangin amah in Hinnom’ tapa’ kuamah paknamtui hal a, Topa in Israel mite mai-ah a hawlkhiat minamte in a zat uh a kihhuai gamtatnate mah bangin biakna ah a tapate hal hi.

2 KHANG TANGTHU NIHNATE 28:3 Referans Kwoze

2 KHANG TANGTHU NIHNATE 33:6

Tua ciangin amah in Hinnomʼ tapaʼ kuamah biakna-in a tapate hal a, aisanna le mailam thugen kholhna le khongkhaina zang a, vankah theite le aisante tawh nasem khawm hi. Amah in Topaʼ muhna ah siatna tampi bawl a, amah hehsak hi.

2 KHANG TANGTHU NIHNATE 33:2

Topa in Israel minamteʼ mai ah a hawlkhiat minamteʼ zat a kihhuai gamtatnate mah bangin, Topaʼ muhna ah amah a sia gamta hi.

Siampi Laibu 18:21

Nangmah in Molek tungah meihal biakna-a piak dingin na tate khat peuhpeuh na pia kei dinga, tua bangin na Pasianʼ min na daisak kei ding hi; keimah pen Topa ka hi hi.

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

Joshua 15:8

Tua ciangin Jebus (Jerusalem a cihna) liangko leitaw lam Hinnomʼ tapaʼ kuamah gamgi pai to-in, Refaim kuam leilu lam mong, nitumna lam Hinnom Kuam gal khat ah a kikhung mual dawnah gamgi pai to hi.

Micah 6:7

Topa kiangah tuu a tultulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Jeremiah 32:35

Hinnom Kuam ah a tapate le a tanute uh tawh Molek pasian a biak nadingun Baal ading biakna tausangte a bawl uh hi. Hih a kihhuai na semin, Judah mite mawhna a bawlsak nadingun amaute ka sawl kei a, zong ka ngaihsun kha ngei beek kei hi.

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Jeremiah 2:34

Mawhnei lo mizawngteʼ sisan na puan tungah baang hi. Amaute in na inn hong luh ngei beek lo uh hi. “Tua bang teng hi napi-in

2 KUMPI NIHNATE 16:3

Israel kumpi dangteʼ khekhap mah zui hi. Topa in Israel miteʼ mai ah a hawlkhiat minamteʼ zat a kihhuai a gamtatte mah uh bangin biakna-in ama tapa nangawn a hal hi.

Thu-hilhkikna 18:9

“Topa na Pasian un note hong piak leitang ah na tun uh ciangin, tua minamteʼ gamtatna a kihhuaite zuih ding na kisin kei ding uh hi.

Thu-hilhkikna 12:31

Topa na Pasian uh tungah tua bangin na hih kei ding uh hi. Bang hang hiam cih leh Topa in a muhdah a kihhuai nam khempeuh amaute in a pasian-te uh adingin hih uh hi. A pasian-te uh adingin a tapate uh le a tanute nangawn uh mei sungah a hal uh hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,

Thukhente 2:11

Tua ciangin Israel mite, Topaʼ muhna ah a sia gamta-in Baal-teʼ na sem uh hi.

Thukhente 2:13

Amaute in Topa nusia uh a, Baal-te le Ashtaroth pasian-te bia uh hi.

2 KHANG TANGTHU NIHNATE 36:14

A makai siampite le mi khempeuh zong tua bangmahin citak lo mahmah uh a, minam dangteʼ kihhuainate zui uh hi. Amah in Jerusalem ah a siangtho-in a koih Topaʼ biakinn amaute in ninsak uh hi.