2 KHANG TANGTHU NIHNATE 26:7 - Tedim Bible Revision 2017

⁷ Filistia mite, Gurbaal ah a teeng Arab mite le Meunim mite a dona ah Pasian in amah huh hi.

Tedim Bible

⁷ Filistiate leh Gurba-al ah a teeng Arab mite, leh Meunim mite a dona ah Pasian in amah huh hi.

2 KHANG TANGTHU NIHNATE 26:7 Referans Kwoze

2 KHANG TANGTHU NIHNATE 21:16

Tua ciangin Topa in Ethiopia mite kiangah a om Filistia mite le Arab mite, Jehoram tungah a heh nadingun tok lo hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amauteʼ khut sungah kipia hi; bang hang hiam cih leh gal kidona sungah amaute in Pasianʼ tungah ko uh a, amaute in Pasian muang uh ahih manin amah in amauteʼ thumna a pia hi.

Sawltak 26:22

Ahi zongin Pasian in tu ni ciang dong hong huh ahih manin mi lian mi neu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuai zaw gul gunei hong om dinga, tuate pen a leng thei gulpi hong hi ding uh hi.

Late 18:29

Nangma hangin galkap hon khat ka su gawp zo a, ka Pasian hangin khuakulh khat ka kan zo hi.

2 KHANG TANGTHU NIHNATE 20:1

Hih thu khit ciangin Moab mite le Ammon mite le Meunim mite pawl khat, Jehoshafat a sim dingin hong kuan uh hi.

2 KHANG TANGTHU NIHNATE 17:11

Filistia mite pawl khat in Jehoshafat tungah letsongte le siah dingin ngun a puak uh hi. Tua ciangin Arab-te in zong ama tungah tuutal tul sagih le za sagih le keeltal tul sagih le za sagih mah a puak uh hi.

2 KHANG TANGTHU NIHNATE 14:11

Tua ciangin Topa Pasianʼ tungah Asa kiko a, “Topa aw, a thahat le a zawngkhal a kidona ah a huh dingin nang tawh a kibang kuamah dang om lo hi. Kote hong huh in, Topa koteʼ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, koteʼ Pasian na hi hi; mite kizosak kei in,” a ci hi.

1 KHANG TANGTHU MASATE 12:18

Tua ciangin mihing sawm thum a ukpipa Amasaiʼ tungah Pasianʼ kha hong tungin amah in, “David aw, kote, nangma aʼ hi ung! Jessiʼ tapa aw, nangma pawl hi ung! Nangma tungah nopna hong om henla, nang hong huhte tungah zong nopna hong om tahen! Bang hang hiam cih leh na Pasian in nang hong huh hi,” a ci hi. Tua ciangin David in amaute sang a, ama galkap uliante in a bawl hi.

1 KHANG TANGTHU MASATE 4:41

A minin a kiciamteh hih mite, Judah kumpi Hezekiahʼ hun sungin hong pai uh a, tua lai ah a om Meunim mite le amauʼ puanbukte susia-in tu ni dongin amaute beisak uh a, amauʼ tuuhonte adingin tua lai ah lo nona om ahih manin amauʼ munah amaute a teeng uh hi.

1 KHANG TANGTHU MASATE 5:22

Tua gal pen Pasianʼ gal ahih manin mi tampi tak kithatin puk hi. Tua ciangin amaute sal a suah hun dong uh tua munah teeng uh hi.

2 KHANG TANGTHU NIHNATE 14:10

Tua ciangin amah a dawntuah dingin Asa kuan khia a, Zefathah le Mareshah kuamah galdo nading panna a bawl uh hi.

2 KHANG TANGTHU NIHNATE 25:8

Ahih hangin hih bang lam a hihna tawh galdona ah thahat dingin kingaihsun kha na hih leh, Pasian in galteʼ mai ah nang hong paai ding hi; bang hang hiam cih leh Pasian in huh nading ahi a, paih nading ahi zongin vangliatna nei hi,” a ci hi.