2 KHANG TANGTHU NIHNATE 26:6 - Tedim Bible Revision 2017

⁶ Amah kuan khia-in Filistia mite va sim a, Gath khuapi kulh, Jabneh khuapi kulh le Ashdod khuapi kulh sucim hi. Tua ciangin amah in Ashdod gam sung le Filistia-teʼ gam sung mun dangte ah khuapite a lam hi.

Tedim Bible

⁶ Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

2 KHANG TANGTHU NIHNATE 26:6 Referans Kwoze

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuai zaw gul gunei hong om dinga, tuate pen a leng thei gulpi hong hi ding uh hi.

2 KHANG TANGTHU NIHNATE 21:16

Tua ciangin Topa in Ethiopia mite kiangah a om Filistia mite le Arab mite, Jehoram tungah a heh nadingun tok lo hi.

1 KHANG TANGTHU MASATE 18:1

Hih thute khit ciangin David in Filistia mite zo-in nuaisiah a, Filistia miteʼ khut sung panin Gath le a khuaneute a la hi.

2 SAMUEL NIHNA 8:1

Hih thu teng khit ciangin David in Filistia-te zo-in amaute nuaisiah a, David in Filistia-teʼ khut sung panin Methegammah khua a la hi.

1 SAMUEL MASA 5:6

Topa in Ashdod khua mite nakpi takin gawt a, amah in uilut tawh Ashdod khua le a gam sung lausakin gimsak hi.

1 SAMUEL MASA 5:1

Filistia mite in Pasianʼ Thuciamna Singkuang a mat uh ciangin Ebenezer panin Ashdod ah pua uh hi.

Amos 1:8

Ashdod khuapi ah a teeng mite ka la khia dinga, Ashkelon khuapi ukte ka beisak ding hi. Ekron khuapi ka su gawp dinga, Filistia mi a omlaite si ding uh hi.

Amos 6:2

Kalneh khua ah pai unla limtakin va en un. Tua ciangin Hamath khuapi lian ah va paisuak unla, Filistia-teʼ khuapi Gath khua dong va pai suk un. Judah le Israel kumpi gamte sangin hoih zaw tuan a, amauteʼ gam pen noteʼ gam sangin lian zaw tuan ahi hiam?

Joshua 15:11

Ekron leilu lam mual liangko ah a gamgi paikhia a, tua ciangin Shikkeron ah gamgi kawi kualin, Baalah Mual ah paisuak a, Jabneel ah leng khia-in tuipi ah a gamgi tawp hi.

Joshua 15:47

Ashdod, a khuapite le a khuaneute tawh ahi hi. Gaza, a khuapite le a khuaneute tawh ahi hi. Egypt lui le tuipi lian a gei ciang dong tawh ahi hi.

2 KHANG TANGTHU NIHNATE 11:8

Gath, Mareshah, Zif,

Isaiah 20:1

Assiria kumpipa Sargon in a sawl galkap maang lianpen pa, Filistia khuapi Ashdod ah pai-in, tua khua va sim hi.