2 KHANG TANGTHU NIHNATE 26:5 - Tedim Bible Revision 2017

⁵ Pasian zahtak ding ama tungah a hilh Zekhariahʼ hun sungteng amah in Pasian zong hi. Amah in Topa a zon lai teng, Pasian in amah daupaisak hi.

Tedim Bible

⁵ Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

2 KHANG TANGTHU NIHNATE 26:5 Referans Kwoze

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KHANG TANGTHU NIHNATE 24:2

Siampi Jehoiadaʼ hunsung khempeuh Topaʼ mitah Joash a manin gamta hi.

1 KHANG TANGTHU MASATE 22:13

Tua ciangin Israel-te adingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

Daniel 5:16

Ahih hangin nangmah in thuthukpi le kuama theih zawh loh thute gen thei hi, ci-in kong za zo hi. Hih lai kigelh sim thei-in a khiatna nong gen theih leh kumpi puansan kong silhsak dinga, minphatna khamkhi na ngawng ah hong oksakin, kumpi gam sungah a za lian thumna-in ka hong koih ding hi,” a ci hi.

Daniel 10:1

Sairas, Persia gam kumpi a suah zawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theih tel hak mahmah ahih manin maangmuhna tawh teltakin a kilak hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

Daniel 1:17

Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

2 KHANG TANGTHU NIHNATE 25:8

Ahih hangin hih bang lam a hihna tawh galdona ah thahat dingin kingaihsun kha na hih leh, Pasian in galteʼ mai ah nang hong paai ding hi; bang hang hiam cih leh Pasian in huh nading ahi a, paih nading ahi zongin vangliatna nei hi,” a ci hi.

Piancilna 41:15

Faro in Josef kiangah, “Mang khat ka man a, a khiatna a gen thei kuamah om lo hi. Nang in mang na zak ciangin a khiatna gen thei, ci-in hong kigenna ka za hi,” a ci hi.

Hosea 6:4

Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.

1 KHANG TANGTHU MASATE 22:11

Tu-in ka ta aw, amah in nangma thu a gen sa bangin Topa na Pasianʼ biakinn na lamna ah na tangtun theih nadingin Topa in nang hong ompih tahen.

Thukhente 2:7

Mite in Joshuaʼ nuntak sung le, Israel-te adingin Topaʼ sep sa na lian khempeuh a mu, Joshua sanga sau a nungta zawte khempeuh nuntak sungin Topaʼ na sem uh hi.

Piancilna 41:38

Faro in a nasemte kiangah, “Ama sungah Pasian Kha a omna, hih bang midang mu ding ihi hiam?” a ci hi.

Sawltak 20:30

Note sung mahmah panin zong mi pawl khat in thu um mite khemin a zol khiat hun hong tung ding hi.

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

2 KUMPI NIHNATE 15:34

A pa Uzziahʼ gamtatna sa khempeuh bangin Topaʼ mitah amah a manin gamta hi.

2 KHANG TANGTHU NIHNATE 26:4

A pa Amaziahʼ hih sa khempeuh bangin amah in Topaʼ mitah a man sem hi.

2 KHANG TANGTHU NIHNATE 27:6

Tua ahih ciangin Topa a Pasianʼ mai ah Jotham a hoih tatna tawh kizui-in a vang zong a lian hi.

Joshua 1:7

Thahat-in hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuh ah hoihtakin na lamzan theih nadingin tuate khat zong pelh kei in.

Joshua 1:8

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sun le zanin na lung ngaingai ding hi. Tua hileh na maa vang dinga, na nasep tangtung ding hi.

2 KHANG TANGTHU NIHNATE 14:6

Tua gamah gal dai ahih manin Judah gam sungah kulh a nei khuapite a lam hi. Topa in ama tungah galdaihna hun pia ahih manin tua hun sungin amah in galdona nei lo hi.

2 KHANG TANGTHU NIHNATE 29:1

Hezekiah in uk ding a kipatin kum sawm nih le nga pha a, amah in Jerusalem ah kum sawm nih le kua sung uk hi. Ama nuʼ min Abijah hi a, Zekhariahʼ tanu ahi hi.

2 KHANG TANGTHU NIHNATE 32:30

Hih Hezekiah mah in Gihon tui tungnungte khaktanin David khuapi nitumna lam pangah luangsak hi. Hezekiah a nasepna khempeuh ah a maa vang hi.