2 KHANG TANGTHU NIHNATE 26:1 - Tedim Bible Revision 2017

¹ Tua ciangin Judah mi khempeuh in kum sawm le kum guk a pha Uzziah la-in a pa Amaziahʼ tangin kumpi-in a koih uh hi.

Tedim Bible

¹ Tua ciangin Judah mi khempeuh in kum sawm-le-guk a pha Uzziah la-in a pa Amaziah tangin kumpi-in koih uh hi.

2 KHANG TANGTHU NIHNATE 26:1 Referans Kwoze

2 KHANG TANGTHU NIHNATE 22:1

Tua ciangin Jerusalem ah a teengte in ama tangin a tapa neu pen Ahaziah kumpi-in koih uh hi; bang hang hiam cih leh Arab mite tawh giahphual ah hong pai mite in a tapa gol zawte khempeuh that khin uh hi. Tua ahih ciangin Judah kumpi Jehoramʼ tapa Ahaziah in uk hi.

2 KHANG TANGTHU NIHNATE 33:25

Ahih hangin tua gam mite in Kumpi Amon a sawm sim khempeuh that leuleu uh hi. Tua ciangin tua gam mite in ama tangin a tapa Josiah kumpi-in a koih uh hi.

1 KHANG TANGTHU MASATE 3:12

a tapa Amaziah, a tapa Azariah, a tapa Jotham,

2 KUMPI NIHNATE 14:21

Tua ciangin Judah mite khempeuh in kum sawm le kum guk a pha Uzziah la-in a pa Amaziahʼ tangin kumpi-in a koih uh hi.

2 KHANG TANGTHU NIHNATE 25:28

Tua ciangin sakolte tungah amah pua-in kiciah pih a, David khuapi sungah a pate tawh kivui hi.

2 KHANG TANGTHU NIHNATE 26:2

Kumpi ahi ama pa a sih khit ciangin amah in Eloth khua lakikin Judah gam dingin a ngahkik hi.

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Hosea 1:1

Judah kumpite Uzziah, Jotham, Ahaz, Hezekiah le Israel kumpi Joashʼ tapa Jeroboamʼ hun lai-in Beeriʼ tapa Hosea tungah Topa in thu na gen hi.

Amos 1:1

Tekoa khua-a a teeng tuucingte lakah Amos a kici mi khat om hi. Uzziah pen Judah kumpi hi-in Joashʼ tapa Jeroboam in Israel kumpi a sep laitak, zinlin ma kum nih hun laitakin Pasian in Amos tungah hih thute kilangsak hi.

2 KUMPI NIHNATE 14:1

Israel kumpi, Jehoahazʼ tapa Jehoashʼ kum nihna kumin, Judah kumpi, Joashʼ tapa Amaziah in uk ding kipan hi.